3 jyldaǵy rekord: Sońǵy bir aıda Qazaqstanǵa 150 qytaılyq kompanııa jumys isteýge keldi

Foto: inbusiness.kz

2023 jyldyń qarashasynda Qazaqstanǵa kelýshi qytaılyq kompanııalardyń sany qysqarǵan. Al bıyl ósim erekshe qarqynmen artýda, – dep habarlaıdy qandastar.kz

Barlyq tirkelgen uıymdardyń úshten ekisi ǵana jumys istep tur, ol 3062 birlikti quraıdy. Birinshi nesıe bıýrosynyń habarlaýynsha, sońǵy bir aıda kompanııalardyń sany 122-ge ósti. Birde-bir seriktes el tamyz aıynda mundaı nátıje kórsetpegen.

Buǵan deıin Qasym-Jomart Toqaev byltyr Qazaqstan ekonomıkasyna quıylǵan qytaı ınvestıııasynyń kólemi 16 paıyzǵa ósip, 1,8 mıllıard dollarǵa jetkenin atap ótken bolatyn.

– Búginde quny 14,5 mıllıard dollar bolatyn 45 joba júzege asyrylyp jatyr. Jalpy Qytaı kapıtalynyń úlesi bar kásiporyndar sany 4700-den asady. Biz ózara tıimdi ınvestıııalyq jobalardy odan ári júzege asyrýdyń mańyzyn atap óttik. Naqtyraq aıtqanda, energetıka, ınfraqurylym, aýyl sharýashylyǵy, óndiris, qarjy, kólik, aeroǵarysh ónerkásibi jáne IT salalaryna toqtaldyq. Qazaqstan óz naryǵyna kirýge nıetti Qytaı kompanııalary úshin qolaıly jaǵdaı jasaýǵa daıyn, – dedi Qazaqstan Prezıdenti.

Qasym-Jomart Toqaev qolǵa alynǵan aýqymdy energetıkalyq jobalardy tıimdi júzege asyrý qajet dep sanaıdy.

– Qazir Qazaqstanda munaı-hımııa zaýyttary salynyp jatyr. Shymkenttegi munaı óndeý zaýytyn jańǵyrtý jumystary júrgizilýde. «Qazaqstan – Qytaı» munaı qubyrynyń ótkizý múmkindigin ulǵaıtý sharalary qolǵa alyndy. Kóp uzamaı bul jobalar ekonomıkamyzǵa úles qosa bastaıdy. Sapar aıasynda qazaq-qytaı iskerlik keńesiniń otyrysy ótti. Onda birqatar ınvestıııalyq kelisimderge qol qoıdyq, – dedi Qasym-Jomart Toqaev.