الەم جاڭالىقتارى
30-دان استام ەل ۋكرايناعا بىتىمگەر رەتىندە ءوز اسكەرىن جىبەرۋگە دايىن
فوتو: ريا نوۆوستي
30-دان استام ەل ۋكرايناعا بىتىمگەر رەتىندە ءوز اسكەرىن جىبەرۋگە دايىن, دەپ جازادى qandastar.kz
بۇل تۋرالى ۇلىبريتانيا پرەمەر-ءمينيسترى كير ستارمەر مالىمدەدى. باتىستىق 26 ەل كوشباسشىسى, ەۋروپالىق وداق وكىلدەرى مەن ناتو-نىڭ باس حاتشىسى مارك ريۋتتە 15 ناۋرىزدا ۆيرتۋالدى جيىن وتكىزدى. ونلاين كەزدەسۋدە, كير ستارمەر ۋكرايناداعى بىتىمگە قاتىستى كەزەكتى جوسپاردى ۇسىندى. ونىڭ ايتۋىنشا, جالپى 35-كە جۋىق مەملەكەت كيەۆكە قارۋ-جاراق جەتكىزۋگە كەلىسكەن. سونداي-اق, بىتىمگەرلىك ميسسيانى قولداۋ رەتىندە ماتەريالدىق-تەحنيكالىق جانە بارلاۋ قىزمەتىن ۇسىنىپ وتىر.
بۇل رەسەي مەن ۋكراينا اراسىنداعى اتىس توقتاپ, كرەملدىڭ قايتا سوعىس اشۋىنا جول بەرمەۋ ءۇشىن قاجەت. الايدا, ماسكەۋ بيلىگى ناتو اسكەرىن ۋكراينا جەرىنە كىرۋىنە تۇبەگەيلى قارسى.
atamekenbusiness_qaz حابارلاعانداي, ەلدىڭ سىرتقى ىستەر مينيسترلىگى بۇل باستامانى ورىنسىز دەپ تاپقان. بىراق ۇلىبريتانيا پرەمەر-ءمينيسترى رەسەيدەن رۇقسات سۇرامايتىنىن اشىق ايتتى. 20 ناۋرىز كۇنى قورعانىس باسشىلارىنىڭ كواليتسياسى ءوتىپ, وعان اقش بيلىگى ات سالىساتىن بولادى. z
