«4 ملرد تەڭگە»: 264 كاسىپورىن جۇمىسشىلارىنا جالاقى تولەمەي ءجۇر

قازاقستانداعى 264 كاسىپورىن جۇمىسشىلارىنا جالاقى تولەمەي كەلەدى, دەپ حابارلايدى    qandastar.kz Orda.kz-كە سىلتەمە جاساپ.

264 كاسىپورىن ەڭبەك اقىسىن الماعاندارعا 4 ملرد تەڭگە شاماسىندا قارىز بولعان. ەڭبەك جانە حالىقتى الەۋمەتتىك قورعاۋ مينيسترلىگىنە جالاقىسىن الا الماي جۇرگەن 18 مىڭعا جۋىق ادام شاعىمدانعان. جۇمىسشىلارىن جالاقىدان ايىرعان جۇمىس بەرۋشىلەرگە مەملەكەتتىك ينسپەكتورلار 46,5 ملن تەڭگە ايىپپۇل سالدى. ناتيجەسىندە 16 مىڭ ادامعا 3,1 ملرد تەڭگە تولەندى.

بۇدان بولەك, 7 مىڭنان اسا جۇمىسشىنىڭ ەڭبەك قاۋىپسىزدىگى مەن جۇمىسپەن قامتۋ بويىنشا قۇقىعى بۇزىلعانى انىقتالدى. قىزمەتكەرلەر الدىنداعى مىندەتتەمەسىن ورىنداماعانى ءۇشىن جۇمىس بەرۋشىلەرگە 339 ملن تەڭگە ايىپپۇل سالىندى.

ەسكە سالايىق, بۇعان دەيىن قوستانايدا كاسىپورىن قىزمەتكەرلەرى جىل باسىنان بەرى جالاقى الماعانىن حابارلاعان ەدىك.