جاڭالىقتار
«4 جاسار قىزىمدى زورلاماق بولدى»: بالقاشتاعى وقيعا بويىنشا تىڭ دەرەكتەر جاريالاندى
بالقاشتا سوققىعا جىعىلعان 8 جاسار بالانىڭ ءىسى بويىنشا تىڭ دەرەكتەر جاريالاندى, دەپ جازادى qandastar.kz
بۇعان دەيىن بالقاشتا ەر ادامنىڭ 8 جاستاعى بالانى ازاپتاپ, دەنەسىنە زاقىم كەلتىرگەنى تۋرالى جازعان ەدىك. بۇل تۋرالى جابىرلەنۋشى بالانىڭ اناسى مادينا ماراتقىزى مالىمدەدى. ايەلدىڭ ايتۋىنشا, ۇرىپ-سوققان الماس ەسىمدى ەر ادام, بۇرىنعى كۇيەۋىنىڭ اپكەسىنىڭ جۇبايى. ايەل بالانىڭ دەنەسىنە ءتۇرلى جاراقاتتار سالىنعانىن ايتىپ, جۇرتشىلىقتان كومەك سۇرادى.
قاراعاندى وبلىستىق پوليتسيا دەپارتامەنتى, اتالمىش فاكتى بويىنشا كۇدىكتى ەر ادام ۇستالىپ, قىلمىستىق ءىس قوزعالعانىن مالىمدەدى.
8 جاسار بالانى ۇرىپ-سوقتى دەپ ايىپتالعان ەر ادام “زا نامي ۋجە ۆىەحالي” Telegram ارناسىنا وقيعاعا قاتىستى ءوز نۇسقاسىن ايتىپ بەردى. الماس ەسىمدى ەر ادام جابىرلەنۋشى بالانىڭ ءوزىنىڭ 4 جاسار قىزىن شەشىندىرىپ, سەكسۋالدىق سيپاتتاعى ارەكەتتەر جاساعىنىن ايتادى.
Skifnews.kzاقپارات پورتالى جازعانداي, ەر ادامنىڭ ايتۋىنشا, سول كۇنى ول بالالاردى تاماقتاندىرعان, كەيىن ولار بىرگە پلانشەت قاراپ وتىرعان, ال ءوزى ۇستەلدى جيناپ ءجۇرىپتى. كەيىن 10-15 مينۋت وتكەن سوڭ بالالار وتىرعان بولمەنىڭ جانىنان ءوتىپ بارا جاتقاندا, 4 جاسار قىزىنىڭ جالاڭاش جاتقانىن, ال 8 جاسار بالانى شالبارى تۇسىرىلگەن كۇيدە كورگەن.
“ول قىزىمنىڭ ۇستىندە ءدال ەرەسەك ادامدار سياقتى جاتتى. مەن جۇگىرىپ بارىپ: «نە ىستەپ جاتىرسىڭ?» دەدىم. قىزىمدى قاراپ جاتقاندا, ول تۇرىپ, تەز كيىنىپ ۇلگەردى. سول ساتتەن كەيىن ىستەگەنىمدى بىلمەيمىن. كەيىن ايەلىم كەلدى, وعان تەلەفون سوعىپ ۇلگەردىم”, – دەيدى ەر ادام.
ەر ادام «ۇيات بولادى» دەگەن سەبەپپەن بولعان جاي تۋرالى پوليتسياعا ارىز جازباعان. ونىڭ ايتۋىنشا, ءتىپتى قىزىن گينەكولوگقا كورسەتكەن كەزدە دە, اتكەنشەكتەن قۇلادى دەپ وتىرىك ايتقان كورىنەدى. الماس بالاعا ەمدەۋ ءۇشىن قارجىلاي كومەك كورسەتۋدى قالاپ, داۋ-داماي شىعارماي, وتباسىنىڭ قۇپياسىن سىرتقا شىعارماۋعا تىرىسقان. الايدا جاعداي جاريالانعان سوڭ, ول ءوز نۇسقاسىن ايتۋدى ءجون ساناپتى.
