«4 jasar qyzymdy zorlamaq boldy»: Balqashtaǵy oqıǵa boıynsha tyń derekter jarııalandy

Balqashta soqqyǵa jyǵylǵan 8 jasar balanyń isi boıynsha tyń derekter jarııalandy, dep jazady qandastar.kz

Buǵan deıin Balqashta er adamnyń 8 jastaǵy balany azaptap, denesine zaqym keltirgeni týraly jazǵan edik. Bul týraly jábirlenýshi balanyń anasy Madına Maratqyzy málimdedi. Áıeldiń aıtýynsha, uryp-soqqan Almas esimdi er adam, burynǵy kúıeýiniń ápkesiniń jubaıy. Áıel balanyń denesine túrli jaraqattar salynǵanyn aıtyp, jurtshylyqtan kómek surady.

Qaraǵandy oblystyq polıııa departamenti, atalmysh fakti boıynsha kúdikti er adam ustalyp, qylmystyq is qozǵalǵanyn málimdedi.

8 jasar balany uryp-soqty dep aıyptalǵan er adam “Za namı ýje vyehalı” Telegram arnasyna oqıǵaǵa qatysty óz nusqasyn aıtyp berdi. Almas esimdi er adam jábirlenýshi balanyń óziniń 4 jasar qyzyn sheshindirip, seksýaldyq sıpattaǵy áreketter jasaǵynyn aıtady.

Skifnews.kzaqparat portaly  jazǵandaı, Er adamnyń aıtýynsha, sol kúni ol balalardy tamaqtandyrǵan, keıin olar birge planshet qarap otyrǵan, al ózi ústeldi jınap júripti. Keıin 10-15 mınýt ótken soń balalar otyrǵan bólmeniń janynan ótip bara jatqanda, 4 jasar qyzynyń jalańash jatqanyn, al 8 jasar balany shalbary túsirilgen kúıde kórgen.

“Ol qyzymnyń ústinde dál eresek adamdar sııaqty jatty. Men júgirip baryp: «Ne istep jatyrsyń?» dedim. Qyzymdy qarap jatqanda, ol turyp, tez kıinip úlgerdi. Sol sátten keıin istegenimdi bilmeımin. Keıin áıelim keldi, oǵan telefon soǵyp úlgerdim”, – deıdi er adam.

Er adam «uıat bolady» degen sebeppen bolǵan jaı týraly polıııaǵa aryz jazbaǵan. Onyń aıtýynsha, tipti qyzyn gınekologqa kórsetken kezde de, átkenshekten qulady dep ótirik aıtqan kórinedi. Almas balaǵa emdeý úshin qarjylaı kómek kórsetýdi qalap, daý-damaı shyǵarmaı, otbasynyń qupııasyn syrtqa shyǵarmaýǵa tyrysqan. Alaıda jaǵdaı jarııalanǵan soń, ol óz nusqasyn aıtýdy jón sanapty.