ءبىلىم
400-گە جۋىق قازاقستاندىق وقۋشىنىڭ ۇبت ناتيجەلەرى جويىلدى
فوتو: dauletten.kz
ۇلتتىق تەستىلەۋ ورتالىعى نەگىزگى ۇبت-نىڭ ارالىق قورىتىندىلارىن ۇسىندى. بۇل تۋرالى Stan.kz اقپارات اگەنتتىگى حابارلايدى.
ورتالىقتىڭ مالىمەتىنە سۇيەنسەك, نەگىزگى ۇبت-2024 باستالعالى بەرى 211 مىڭ رەت تەست تاپسىرىلدى.
تالاپكەرلەردىڭ 76%-ى شەكتى بالل جيناپ, ورتاشا بالل – 68 بالل بولدى.
سونىڭ ىشىندە:
- ەڭ جوعارى بالل – 138 بالل;
- ەرەكشە ءبىلىم بەرۋ قاجەتتىلىگى بار 577 تالاپكەر قاتىستى.
ەرەجە بۇزعانى ءۇشىن 396 ادامنىڭ ناتيجەلەرى جويىلدى. 267 تالاپكەر سمارتفون, شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى.
تەستىلەۋ كەزىندە ەرەجەلەردى بۇزعانى ءۇشىن اۋديتوريادان 120 ادام شىعارىلىپ, بەينەجازبالاردى تەكسەرۋدەن سوڭ ەرەجە بۇزعان 9 ادامنىڭ ناتيجەسى جويىلدى. بوگدە تۇلعالار انىقتالعان جوق.
تەستكە قاتىسۋشىلاردىڭ باسىم بولىگى, اتاپ ايتقاندا, 18%-ى «ماتەماتيكا-فيزيكا», 16%-ى «بيولوگيا-حيميا» پاندەر كومبيناتسياسىن تاپسىردى. 15%-ى «شىعارماشىلىق ەمتيحان» كومبيناتسياسىن تاڭداعان.
ەسكە سالايىق, 19 ماۋسىمدا الماتىدا ۇبت تاپسىرۋ كەزىندە تەحنيكالىق اقاۋلار پايدا بولعانىن جازعان ەدىك. سالدارىنان الماتىلىق مەكتەپ تۇلەكتەرى ۇلتتىق بىرىڭعاي تەستىلەۋدەن وتە المادى. تاپسىرا الماعان تۇلەكتەرگە ۇبت كۇندەرى كەيىنگە شەگەرىلدى.
