50 mln teńge: Jeti balanyń anasy alaıaqtyq jasady degen kúdikke ilindi

Foto: Ashyq derekkóz

Qaraǵandyda jeti balanyń anasy 50 mıllıon teńge kóleminde alaıaqtyq jasady degen kúdikpen qamaýǵa alyndy, dep habarlady qandastar.kz Astana.tv-ǵa silteme jasap.

«Kópbalaly ana ınternet arqyly Qytaı, Túrkııa jáne Reseıden taýarlarǵa tapsyrys qabyldap, olardy arzan baǵamen satýdy ýáde etken. Usynylǵan taýarlar qataryna jıhaz, turmystyq tehnıka, uıaly telefondar, tipti, avtokólikter de kirgen», — dep jazylǵan habarlamada.

Kólikterdi 5-6 mıllıon teńgege satyp alýǵa ýáde bergen ol, aqshany alǵanymen, tapsyrys berýshilerge taýarlaryn jetkizbegen. Bul jaǵdaı zardap shekkenderdiń polıııaǵa júginýine sebep boldy.

«Biz tamyz aıynda kólikke tapsyrys berdik. Ol qarashada kólik keletinin aıtty. Tipti, kólikterdiń kele jatqanyn dáleldeıtin vıdeo jiberdi. Biraq keıin baılanysqa shyqty da, bizdi aldady dep keshirim surady. Ol aqshany qaıtarýǵa ýáde bergenimen, tek shaǵyn somalardy bólip qaıtardy», – deıdi zardap shegýshi Iýlııa Varavına.

Polıııa bul is boıynsha «Alaıaqtyq» babymen qylmystyq is qozǵady. Aldyn ala málimet boıynsha, Qaraǵandydaǵy jalpy shyǵyn 50 mıllıon teńgeden asqan. Quqyq qorǵaý organdary zardap shekkenderdiń sany budan da kóp bolýy múmkin ekenin joqqa shyǵarmaıdy.

Sot kópbalaly anany eki aıǵa qamaýǵa alý týraly sheshim shyǵardy. Kúdikti sotta óziniń de alaıaqtyq qurbany bolǵanyn aıtty.