جاڭالىقتار
«500 توننا پياز ءشىرىپ جاتىر»
جەلىدە قوعام بەلسەندىسى سانجار بوقاەۆتىڭ شەنگەلدى اۋىلىنداعى ەگىس ونىمدەرىن كورسەتكەن ۆيدەوسى پايدا بولدى. مۇندا ول پياز, سويا, جۇگەرىلەردىڭ قالاي توننالاپ ءشىرىپ, قوقىسقا كەتىپ جاتقانىن جەتكىزگەن. بەلسەندى ودان بولەك, شارۋاشىلىق تەحنيكالارىنىڭ جەتىسپەۋشىلىگىن ايتىپ, ەلىمىزدىڭ اۋىل شارۋاشىلىق مينيسترلىگىنە ۇندەۋ جولدادى.
سانجار بوقاەۆتىڭ ايتۋىنشا, بۇل اۋىلداعى ەگىس شارۋالارىنىڭ جاعدايى حال ۇستىندە تۇر.
ەندى قاراڭىزدار, مىنا جەردە 500 توننا پياز. پيازدارى كەرەمەت. 15-20 تەڭگەدەن بەرەدى. ەگەر بۇلار ساتىلماسا, بوسقا قوقىسقا تاستالادى. ءبىر عانا اۋىلدا 500 توننا پياز ءشىرىپ جاتىر. اۋىل شارۋاشىلىعى مينيسترلىگى قايداسىزدار, ادەمى ەسەپتەرىڭىز قايدا? قايدا قاراپ وتىرسىزدار? بۇل دەگەن ۇلكەن ماسەلەسى ەمەس پە? شىنىمەن ءشىرىپ جاتىر. سىزدەر دۇكەندەردەگى پيازدىڭ باعاسىن بىلەسىزدەر مە?” – دەدى بەلسەندى.
