«500 tonna pııaz shirip jatyr»

Jelide qoǵam belsendisi Sanjar Boqaevtyń Shengeldi aýylyndaǵy egis ónimderin kórsetken vıdeosy paıda boldy. Munda ol pııaz, soıa, júgerilerdiń qalaı tonnalap shirip, qoqysqa ketip jatqanyn jetkizgen. Belsendi odan bólek, sharýashylyq tehnıkalarynyń jetispeýshiligin aıtyp, elimizdiń Aýyl sharýashylyq mınıstrligine úndeý joldady.

Sanjar Boqaevtyń aıtýynsha, bul aýyldaǵy egis sharýalarynyń jaǵdaıy hal ústinde tur. 

Endi qarańyzdar, myna jerde 500 tonna pııaz. Pııazdary keremet. 15-20 teńgeden beredi. Eger bular satylmasa, bosqa qoqysqa tastalady. Bir ǵana aýylda 500 tonna pııaz shirip jatyr. Aýyl sharýashylyǵy mınıstrligi qaıdasyzdar, ádemi esepterińiz qaıda? Qaıda qarap otyrsyzdar? Bul degen úlken máselesi emes pe? Shynymen shirip jatyr. Sizder dúkenderdegi pııazdyń baǵasyn bilesizder me?” – dedi belsendi.