جاڭالىقتار
«60 ملن تولەيتىن جۇمىسىم دا, ءۇيىم دە جوق»: 23 جىلعا سوتتالعان ابزال شىناسىلدىڭ اناسى بار مۇڭىن شاقتى (ۆيدەو)
جاقىندا قوعامدا رەزونانس تۋدىرعان مارقۇم شەرزات پولاتتىڭ ولىمىنە قاتىستى سوت وتىرىسى اياقتالىپ, ايىپتالۋشىلارعا ۇكىم شىققان بولاتىن, دەپ حابارلايدى Qandastar.kz اقپارات پورتالى.
الايدا سوت اياقتالعاننان كەيىن سوتتالۋشىلاردىڭ جاقىندارى ول ۇكىممەن كەلىسپەي, جابىرلەنۋشى تاراپتىڭ ءىس-ارەكەتىن مۇقيات تەكسەرۋدى قايتا سۇرادى. ولار بۇل تۋرالى «ەل داۋىسى» يۋتۋب ارناسىنا بەرگەن سۇحباتتارىندا ايتقان.
«جاعداي وتە قيىن. بالاما كوپ جىل بەردى, وعان كەلىسپەيمىن. وعان قوسا 60 ميلليون سۇرادى. 60 ميلليوندى تولەي المايمىز, ءۇيىم دە جوق, جاعدايىم دا جوق. وسى سوتتىڭ وزىندە شاپقىلاپ قينالىپ كەتتىك. ەكى اي جۇمىسسىز قالدىم. سول جاقتا ءوزى جۇمىس ىستەپ, وتەسە… بالام كىنالىمىن دەدى عوي, ءوزىنىڭ ىستەگەنىن ايتتى, كىناسىن مويىندادى. وكىنىشتى. زاڭدى بىلمەيمىن عوي, 23 جىل ەمەس, 15 جىل بەرسە دە بولار ەدى. تىم كوپ بولىپ كەتتى», — دەيدى ابزال شىناسىلدىڭ اناسى اقبوتا ەسبەرگەنوۆا.
