جاڭالىقتارقارجى جانە تولەمدەر
700 ملن جىمقىرعان شەنەۋنىك سوتتالدى
قر قارجىلىق مونيتورينگ اگەنتتىگىنىڭ اقپاراتىنشا, سوتتالۋشى ءوزىنىڭ قىزمەتتىك لاۋازىمىن پايدالانىپ, جشس ديرەكتورىمەن جانە قۇرىلتايشىسىمەن الدىن الا ءسوز بايلاسۋ ارقىلى بيۋدجەت قاراجاتىن جىمقىرۋ ارەكەتىنە بارعان.
«كۇدىكتىلەر قوقىس جاشىكتەرى, شاعىن بەسەدكالار, اتكەنشەكتەر, ويىن جانە ترەناجەر الاڭدارىن قوسا, تۇرعىن ۇيلەردىڭ اۋلاسىن اباتتاندىرۋ جۇمىستارىن جۇرگىزۋ ءۇشىن, ماتەريالداردىڭ قۇنىن كوتەرىپ سمەتالىق قۇجاتتار جاساعان. وسى ءىس-ارەكەتتەردىڭ ناتيجەسىندە 700 ملن تەڭگەگە جۋىق مەملەكەتتىك م ۇلىك تالان-تاراجعا تۇسكەن»,- دەپ مالىمدەدى قما.
سونىمەن قاتار, جشس ديرەكتورى مەن قۇرىلتايشىسى دەكلاراتسيالارعا جالعان مالىمەتتەر ەنگىزۋ ارقىلى سالىق تولەۋدەن جالتارعان. قابىلدانعان شارالار ناتيجەسىندە 194 ملن تەڭگەدەن استام سالىق بەرەشەگى تولىق وتەلدى.
سوت ۇكىمىمەن ءۇش ايىپتالۋشى كىنالى دەپ تانىلىپ, 8 جىلعا باس بوستاندىعىنان ايىرۋعا سوتتالدى.
ۇكىم زاڭدى كۇشىنە ەنگەن جوق.
