جاڭالىقتار
8-12 جىل: بيشىمباەۆتىڭ ادۆوكاتتارى ونىڭ مەرزىمىن ەكى ەسەگە قىسقارتقىسى كەلەدى
فوتو: ايقىن.كز
بيشىمباەۆتىڭ ادۆوكاتتارى ونىڭ سوتتىلىق مەرزىمىن 8-12 جىلعا قىسقارتۋدى كوزدەپ وتىر, – دەپ حابارلايدى Aikyn.kz Azattyq Rýhy-نا سىلتەمە جاساپ.
ادۆوكات نازكەن قۇسايىنوۆا BES.media جۋرناليسىنە بەرگەن پىكىرىندە بيشىمباەۆتى سوتتاۋ مەرزىمىن ەكى ەسەگە قىسقارتۋدى جوسپارلاپ وتىرعانىن ايتقان.
«ابايسىزدا ولىمگە اكەپ سوقتىرعان دەنساۋلىققا اۋىر زيان كەلتىرۋ» بابى بويىنشا 8-دەن 12 جىلعا دەيىن باس بوستاندىعىنان ايىرادى», – دەدى ول.
بۇعان دەيىن, ادۆوكات ەرلان عازىمجانوۆ بيشىمباەۆقا تاعىلعان «اسا قاتىگەزدىكپەن ادام ءولتىرۋ» قك 99-بابىن «ابايسىزدا ولىمگە اكەپ سوقتىرعان دەنساۋلىققا اۋىر زيان كەلتىرۋ» قك 106-بابىنا اۋىستىرىپ, جازانى جەڭىلدەتۋدى سۇراعان. ال ازاپتاۋ بويىنشا ايىپتى مۇلدە الىپ تاستاپ, ونى جاڭا قۇراممەن جاڭادان قاراۋدى تالاپ ەتتى.
ەسكە سالايىق, قۋاندىق بيشىمباەۆ مارقۇم ايەلى سالتانات نۇكەنوۆانى اسا قاتىگەزدىكپەن, قيناپ ولتىرگەنى ءۇشىن 24 جىلعا باس بوستاندىعىنان ايىرىلعان, ال ونىڭ قىلمىسىن جاسىردى دەپ ايىپتالعان باقىتجان بايجانوۆ 4 جىلعا سوتتالعان بولاتىن.
