جاڭالىقتار
8 مىڭ ادامدى الداعان پيراميدا ىسىندە بالعىنبەك يماش پەن نۇرسەيىت جىلقىشىبايدىڭ اتى اتالدى
اتى شىققان «Amanat drive» پيراميدا داۋىندا ەلگە تانىمال ەكى ادامنىڭ اتى اتالدى, دەپ حابارلايدى Qandastar.kz اقپارات پورتالى.
بەلگىلى جۋرناليست گۇلميرا ابىقاي حالىقتى تاقىرعا وتىرعىزعان قارجىلىق پيراميدا ىسىندە ءدىندار اقىن بالعىنبەك يماشەۆتى سىناپ تاستادى.
«اmanat-Drive تۇتىنۋشى كووپەراتيۆى رەتىندە 2020 جىلى استانا قالاسىندا قۇرىلعان. جارعىدا 19 قىزمەتكەرى بار, توراعاسى كوڭىلباي شۇكەنوۆ دەپ كورسەتىلىپتى.
«شۇكەنوۆتى ومىردە تىرىدەي كورمەپپىن, دەگەنمەن “بالەنشەگە تەگىن كولىك سىيلاپتى, ءۇي بەرىپتى” دەگەن مارتتىگى لەنتا بەتتەرىن بەرمەيتىن. وۋ باستا “Amanat Home” دەپ اتالعان كومپانيا كەيىن 2-گە ءبولىنىپ, ءبىر-بىرىمەن 40 پىشاق بولىپ جاتقانىن دا جەلىدەن وقىدىم.قىسقاسى, 4 جىلدا پايىزسىز ءۇي مەن كولىك الامىن دەگەن 8 مىڭ ادام بۇل كووپەراتيۆكە 21 ميلليارد تەڭگە قۇيىپ تاستاپتى.جارناماسى جەر جارعان نەگىزگى قىزمەتتىڭ ازعانتاي بولىگى عانا ورىندالعان. كوبىنە ءۇي مەن كولىك كووپەراتيۆ جەتەكشىلەرىنىڭ ءوز تانىس-تۋىستارىنا بەرىلگەن. ونىڭ ءوزى جالعان قۇجاتتارمەن راسىمدەلگەنى انىقتالىپ وتىر. جارنامالىق قىزمەت, ساراپتاما, تۇرعىن ءۇي مەن كولىك سالاسىن بولجامداۋ سىندى ءجونسىز شارالارعا جالعان قۇجاتپەن ءبىراز اقشا ءبولىنىپ, سىرتقا شىعارىلعان. 21 ميللياردتىڭ 1,8 ملرد تەڭگەسىن وبناليچكا جاساپ ۇلگەرىپتى. بۇل سومماعا كوتتەدج, استانادان پاتەرلەر ساتىپ الىنىپ, Hummer H2, Lexus LX 570 سىندى قىمبات اۆتوكولىكتەر الىنعان. قىلمىسىن جاسىرۋ ءۇشىن كوڭىلباي مىرزا وزىنە ەمەس كووپەراتيۆتىڭ سەنىمدى وكىلدەرىنىڭ اتىنا راسىمدەگەن.
ايتپاقشى, وقيعا اراسىندا ايگىلى ايتىسكەر اقىن ب. يماشتىڭ فاميلياسى قىلاڭ بەرەدى. بۇل اقىننىڭ دا باسىن سۇقپايتىن تەسىگى جوق ەكەن دەپ ويلادىم», — دەپ جازدى جۋرناليست گۇلميرا ابىقاي.
سونىمەن قاتار كوڭىلباي شۇكەنوۆتەن سۋ جاڭا دجيپ ءمىنىپ, سىيلىق العان جۋرناليست نۇرسەيىت جىلقىشىبايدىڭ دا اتىن اتادى.
«Amanat drive-قا كەلسەك, كەزىندە حابارىنا شىققان جۋرناليسكە سۋ جاڭا كولىكتى سارت ەتكىزىپ سىيعا تارقان كوڭىلباي قازىر قاماۋدا, تەرگەۋ باستالدى. ەندى جىلقىشىباي جۇرگەن شىعار «كولىككە ءمىنىپ الىپ قاراي بەرەم, ىشىندە ناقاق كوزدەن جاس بار ما?» دەپ. تۇسىنگەنىم, بىزگە ەشنارسە دە ساباق بولمايدى ەكەن», — دەپ جازدى جۋرناليست.
