«8 jasynan bastap»: Aqtóbede 14 jastaǵy qyzdy týys aǵalary zorlap kelgen

Foto: ashyq derekkóz

Aqtóbede 14 jastaǵy jasóspirimniń anasy qyzyn týys aǵalary zorlaǵanyn aıtty. Jábirlenýshiniń anasynyń aıtýynsha, sońǵy kezderi qyzynyń minez-qulqy ózgerip, tuıyqtalyp qalǵan, depressııaǵa ushyraǵan, dep habarlaıdy  qandastar.kz Skifnews.kz aqparat portalyna silteme jasap. 

23 qyrkúıekte jeke qalǵan kezde jeńgesi qyzdy qushaqtap, ne bolǵanyn aıtyp berýin ótingen eken. Sol kezde 14 jastaǵy jasóspirim syryn aqtardy.

«26 jastaǵy jáne 20 jastaǵy týys aǵasy ony 8 jasynan bastap zorlaǵan. Eshkim kúdiktenbegen. Sóıtse garajda nemese úıde eshkim bolmaǵan kezde quıtyrqy áreketterin iske asyrǵan. Bul jigitter áıeldiń kóz aldynda ósken, olardy 2 jastan jáne 8 jastan baqqan. Qyz da jigitterdiń kóz aldynda ósti. Sol úshin mundaı qorqynysh oıyna da kelmepti”, – dedi quqyq qorǵaýshy.

Osy oqıǵadan keıin qyzdyń anasy polıııaǵa aryz jazyp, tórt balasymen sol úıden ketip qalǵan.

«24 qyrkúıekte polıııa bul kúdiktilerdi ustaǵanymen, eki kúnnen keıin olar bostandyqqa shyqty», – deıdi advokat.

Áıel osy jaǵdaıdan keıin jumysyn toqtatty. Sebebi qyzyn baqylap, mektepke aparyp, alyp ketedi.

«Bopsalaý jáne zorlyq-zombylyq áreketteri týraly aryz tirkelip, sotqa deıingi tergeý amaldary júrgizilip jatyr. Is boıynsha eki kúdikti ustalyp, ýaqytsha ustaý ızolıatoryna qamaýǵa alyndy. Sot olardyń sottylyǵynyń joqtyǵyn, kámeletke tolmaǵan balalarynyń bolýyn eskere otyryp, úıqamaqqa alý týraly sheshim shyǵardy. Turǵylyqty jeri boıynsha qajetti saraptamalar taǵaıyndaldy», – dep túsindirdi Aqtóbe oblystyq polıııa departamentiniń baspasóz qyzmeti.

Qylmystyq isti tergeýdiń barysy polıııa departamenti basshylyǵynyń baqylaýynda.