جاڭالىقتار
80 ملن تەڭگە تۇراتىن ءۇيدى ۇتتى: گەوگرافيا ءپانىنىڭ مۇعالىمى بلوگەردىڭ كونكۋرسىن جەڭدى
فوتو: بلوگەر پاراقشاسىنان
بلوگەر ايدا سەرىكوۆا قۇنى 80 ملن تەڭگە تۇراتىن ءۇيدى جەڭىمپاز ەگەلەرگە تابىستادى, -دەپ حابارلادى Qandastar.kz.
«تاعى ءبىر قازاعىمىز ءۇيلى بولدى. باسپاناسى جوق, 3-بالالى اتا انا, كۇيەۋى دە, ايەلى دە مۇعالىم, سونداي ءبىر قاراپايىم جاندارعا بۇيىرىپتى. بۇگىن عانا اقشادان قىسىلىپ, كۇيەۋى الماتىعا كرەديت الۋعا كەلگەن ەكەن. بىراق بانكتەن 200.000 تەڭگە دە ماقۇلدانباپتى. ءبىز ۇيىمداستىرعان كونكۋرسقا قاتىسۋ ءۇشىن كۋرستى دا ءبولىپ تولەۋگە العان. ەفيردە بارلىعىمىزدى جىلاتتى», – دەپ جازدى بلوگەر.
جەلىدە دە قۋانىشتى پىكىر قاپتاعان. «سوڭعى كەزدەرى اقشا ءۇشىن ارازداسقان وتباسى كوپ قوي, مىنا جاس جۇبايلار قيىندىقتى بىرگە ەڭسەرۋگە بەكىنگەنى كورىنىپ تۇر, كەرەمەت», «ايدوستىڭ اتا-اناسى ەرتە «كەتكەن», ءىنىسى ەكەۋى تەتە ءوسىپ, مەكتەپتى وتە جاقسىعا, ال قازۇۋ قىزىل ديپلوممەن بىتىرگەن. وتە ساۋاتتى. قازىرگى تاڭدا گەوگرافيا ءپانىنىڭ مۇعالىمى» دەپ اق-قاراسىن جازىپ جاتىر جەلى قولدانۋشىلارى.
