800 myń teńgege bylǵarydan shapan – Prokýratýranyń tapsyrysy

Foto:  pro-goszakaz.ru

BQO prokýratýrasy 800 myń teńgege bylǵary shapan tigýdi tapsyrdy. Qosymsha sıpattamada jetkizýshi memlekettik ádilet keńesshisine shapan tigýi kerek delingen, – dep habarlaıdy Paryz.kz, Azattyq Rýhy-na silteme jasap.

«Jetkizýshi palto tigý úshin barlyq materıaldardyń joǵary sapasyn qamtamasyz etýi kerek. Oǵan qosa, kelisimshart jasalǵannan keıin kúntizbelik 10 kún ishinde Tapsyrys berýshige kelisý úshin paıdalanylatyn materıaldardyń úlgilerin usynýy tıis», – delingen tehnıkalyq sıpattamada.

О́lshemder jumys ornynda, ıaǵnı BQO prokýratýrasynyń ǵımaratynda alynýy tıis. Sáıkessizdikterdi joıý merzimi kúntizbelik úsh kúnnen aspaýǵa tıis. Jetkizýshi tapsyrys berýshimen ónimniń materıalyn aldyn-ala kelisýi kerek. О́nimniń kepildik merzimi – bir jyl. Aıtpaqshy, kólik shyǵyny sharttyń qunyna kiredi.

Oblystyq prokýratýra altynshy maýsymda satyp alý qyzmettik qajettilikke baılanysty jarııalanǵanyn habarlady. Konkýrs baǵa usynystaryn suratý tásilimen memlekettik satyp alý portalynda ótkizildi.

«13 maýsymda «Kamoda» JShS-niń bir baǵa usynysyn usynýyna baılanysty Memlekettik satyp alý ótkizilmedi dep tanyldy. Sol kúni memlekettik satyp alý portaly avtomatty túrde «Kamoda» JShS jetkizýshisine elektrondyq shaqyrý jasady. 18 maýsymdaǵy Memlekettik satyp alý qorytyndysy boıynsha «Kamoda» JShS shaqyrylǵan jetkizýshisimen Elektrondyq satyp alý arqyly bir kózden alý» tásilimen memlekettik satyp alý týraly shart jasasý týraly sheshim qabyldandy», – dep túsindirdi BQO prokýratýrasynan.