الەم جاڭالىقتارى
قىتايدىڭ حاينان ارالىندا قۇيىننان سەگىز ادام قازا تاپتى
قىتاي حالىق رەسپۋبليكاسىنىڭ وڭتۇستىگىندەگى ارالدىق پروۆينتسيا – حاينان قالاسىندا قاتتى قۇيىن سالدارىنان سەگىز ادام قازا تاۋىپ, بىرەۋى اۋىر جاراقات الدى, دەپ حابارلايدى قازاقپارات سينحۋا اگەنتتىگىنە سىلتەمە جاساپ. جەرگىلىكتى بيلىكتىڭ مالىمەتىنشە, تاڭعى ساعات 04.00 شاماسىندا تورنادو دانچجوۋ قالاسىمەن وتكەن. قۇرىلىس الاڭىندا جۇمىسشىلاردىڭ قوسالقى نىسانىنىڭ قيراۋى سالدارىنان سەگىز ادام مەرت بولدى. ءبىر ادام اۋىر زارداپ شەككەن . سونداي-اق, ءبىر جۇمىسشى جەڭىل دەنە جاراقاتىن العان. بيلىك وقيعا ورنىنا ىزدەۋ-قۇتقارۋ جۇمىستارىن جۇرگىزۋ ءۇشىن بريگادا جىبەردى.
