Jańalyqtar
Kópbalaly analar men múgedek bala asyraýshylar jyl sońyna deıin 6 myń baspanaǵa ıe bolady
2020 jyly «Baqytty otbasy» baǵdarlamasy bastalady. Bul týraly memleket basshysy Qasym-Jomart Toqaev Parlamenttiń birlesken otyrysyndaǵy Qazaqstan halqyna arnalǵan joldaýynda málimdedi.
«Bıyl Elbasynyń bastamasy boıynsha 2% jeńildikpen jáne alǵashqy jarnasy 10% bolatyn jańadan «Baqytty otbasy» baǵdarlamasy iske qosyldy. Bul óte qolaıly jaǵdaı. Jyl sońyna deıin bul baǵdarlama boıynsha kem degende alty myń otbasy baspana satyp alady. Birinshi kezekte kópbalaly otbasylar men múgedek bala asyrýshylar qamtylady. 2020 jyldan bastap jyl saıyn 10 myń osyndaı otbasy baspanamen qamtylady», — dedi Toqaev.
Onyń aıtýynsha, 2020 jyldan bastap osyndaı 10 myń otbasy jyl saıyn baspanamen qamtamasyz etiledi.
«Úkimet baǵdarlamaǵa qatysýdyń naqty krıterıılerin anyqtap, ony qatań basqarýdy qamtamasyz etýi kerek. Qoldaý tek shynymen muqtaj adamdarǵa kórsetilýi kerek. Úkimetke aldaǵy 3 jylda kezekte turǵan az qamtylǵan, kópbalaly otbasylardy baspanamen qamtý máselesin sheshýdi tapsyramyn. Olardyń sany qazir 30 myńǵa jýyq. Tabysy joq azamattarǵa jeke baspana satyp alý úshin áleýmettik arenda sharty boıynsha múmkindik berý kerek. Bul maqsatqa 2022 jylǵa qaraı 240 mlrd teńge qarastyrylǵan», — dedi prezıdent.
