جاڭالىقتار
قازاقستاندا ابىلاي حاننىڭ الىپ مونۋمەنتى ورناتىلادى
ابىلاي حاننىڭ ەسكەرتكىشىنىڭ ەسكيزدىك جوباسىن «قازاقستان بارىسى» دامۋ قورى قامقورشىلار كەڭەسىنىڭ توراعاسى ارمان شوراەۆ ءوزىنىڭ Facebook-تەگى پاراقشاسىندا كورسەتتى, دەپ حابارلادى BAQ.KZ.
ەسكەرتكىشتىڭ ىرگەتاسى رەتىندە پايدالانىلاتىن عيماراتتا مۇراجاي ەكسپوزيتسياسى, كونفەرەنتس-زال, كورمە زالى جانە تاعى باسقالارى ورناتىلادى دەپ جوسپارلانىپ وتىر. مونۋمەنتتىڭ جالپى بيىكتىگى – 54 مەتر. حاننىڭ اساتاياعىندا اينالانى تاماشالايتىن الاڭعا شىعاتىن ليفت ورناتىلادى.
ابىلاي حاننىڭ ءمۇسىنى توت باسپايتىن بولاتپەن قاپتالادى دەپ جوسپارلانىپ وتىر.
«مۇنىڭ ەسكيزدىك جوبا ەكەنىن ەسكەرە وتىرىپ, جوبانى ارزانداتۋ جانە ەستەتيكاسىن جاقسارتا ءتۇسۋ ماقساتىندا كاسىبي ساۋلەتشىلەردەن كاسىبي تۇرعىدا ۇسىنىستار مەن پىكىر العىم كەلەدى», – دەپ جازدى ارمان شوراەۆ.
سونداي-اق, ول مۇنداي جوبالار ەلىمىزگە ۇلتتىق سانا-سەزىم مەن وتانسۇيگىشتىكتى ارتتىرۋ ەلەمەنتى, سونىمەن قاتار ىشكى جانە سىرتقى ءتۋريزمدى دامىتۋ تەتەگى رەتىندە قاجەت دەپ سەنىم ءبىلدىردى.
«مۇنداي مەموريال دالالىقتاردىڭ ۇلى بيلەۋشىلەرىنىڭ ءبىرىن ەسكە الۋعا ارنالعان قۇرمەت رەتىندە قاجەت ەكەنىنە سەنىمدىمىن. ابىلايدىڭ ارقاسىندا جوڭعارلارعا كۇشتى قارسىلىق كورسەتى جانە ءبىزدىڭ اتا-بابالارىمىز تەرريتوريانى باقىلاۋعا الىپ, ەتنوس رەتىندە ساقتالدى», – دەپ اتاپ ءوتتى «قازاقستان بارىسى» دامۋ قورى قامقورشىلار كەڭەسىنىڭ توراعاسى.
