Jańalyqtar

Kúıshiler baıqaýy ótedi

Orazbek Sársenovtiń týǵanyna 95 jyl tolýyna oraı kúıshiler baıqaýy ótedi.

Orazbek Sársenov 1923 jyly 17 qazan kúni burynǵy Shymkent oblysy Arys aýdanyndaǵy Baıyrqum eldi mekeninde dúnıege kelgen. Mektepte ozat oqyǵan alǵyr da zerek jas 9 klasty 5 jylda támamdap shyǵady. Keıin Túrkistandaǵy kolledjdi pedagog mamandyǵy boıynsha aıaqtap, Baısaqal aýylyndaǵy mektepke muǵalim bolyp ornalasyp, bir jyldan keıin mekteptiń dırektory bolyp taǵaıyndalady. Balalary er jetkesin, olardyń bolashaǵyna alańdaǵan Orazbek saýda jaǵyna aýysyp, ómiriniń sońyna deıin sol salada eńbek etken.

Orazbek kúıshi 1969 jyly obyr aýrýynan qaıtys bolǵan. Jetinshi mamyr kúni tańerteń: «Dombyramdy berińdershi», – dep qolyna jan serigin alǵan kúıshi «Qyzylqum» kúıin shertip otyryp: «Osy salaly saýsaqtar da bir kúni topyraqta shirıdi-aý!» – degen eken. Bul sózderdi eshkim elemegen. 9 mamyr kúni saǵat 10 shamasynda ol ómirdi, balalaryn qımaı kóz jumady.

Orazbek kúıshi О́zbekstannyń memlekettik telearnasynan aptasyna bir ret beriletin «Zamandas» mýzykalyq baǵdarlamasyna 1967 jyly arnaıy shaqyrylyp, óziniń 7 kúıin jazdyrǵan. Orazbektiń kúıleri men óleńderinde muń, jer men elge degen saǵynysh basym.

Jıdelibaısyn kúı mektebiniń ókili, Orazbek kúıshiniń urpaqtary ákeleleriniń kúı-amanatyn nasıhattaý maqsatynda elimizdegi kúıshiler arasynda baıqaý jarııalaıdy.

Baıqaý talaptary:

1. Qatysýshy mindetti túrde «Kúldir-Mamaı» kúıin jáne qalǵan alty kúıdiń bireýin óz talǵamyna qaraı oryndaýy tıis. Kúıshiler baıyrǵy quımaqulaq dástúrimen, kúılerdi estý arqyly alady. (Kúıler Vkontakte áleýmettik jelisindegi Kúlaına Orazbekqyzynyń paraqshasynda berilgen).

2. Kúıshi óziniń aty-jónin, qysqasha ómirbaıanyn jazyp, kúılerdiń wafe nemese vıdeo nusqasyn sarsenova.001@mail.ru pochtasyna jiberýi kerek.

Baıqaý qorytyndysyn belgili kúıshiler: Qazaqstannyń eńbek sińirgen qaıratkeri, professor Janǵalı Júzbaı, Qurmanǵazy atyndaǵy QUK doenti, birneshe kúıshiler konkýrsynyń laýreaty Murat Ábýǵazy jáne «Júsip» kúıiniń avtory, Júsip Sársenulynyń nemeresi Mádı Kóshikbaev shyǵarady. Jeńimpaz kúıshilerdi 2019 jylǵy jeltoqsannyń 16-y kúni Kúlaına Orazbekqyzy feısbýk paraqshasynda jarııalanady.

Bas júlde – 200 000 tg

I oryn – 120 000 tg

II oryn – 80 000 tg

III oryn – 50 000 tg

Osy aıdarda

Pikir ústeý

Close