نان قۇرامىنداعى تۇز دەنساۋلىققا زيان

وسىعان دەيىن, «قوعامدىق دەنساۋلىق ساقتاۋ» ۇلتتىق ورتالىعى مەن س.سەيفۋللين اتىنداعى قازاق اگروتەحنيكالىق ۋنيۆەرسيتەتى اراسىندا ءوزارا ىنتىماقتاستىق تۋرالى مەموراندۋمعا قول قويعان بولاتىن. ىنتىماقتاستىقتىڭ نەگىزگى باعىتى-سالاۋاتتى تاماقتانۋ مادەنيەتىن قالىپتاستىرۋ, جاستاردىڭ دەنساۋلىعىن نىعايتۋ ماقساتىندا تۇز مولشەرىن ازايتۋ بويىنشا نان-توقاش ونىمدەرىنىڭ رەتسەپتۋراسىن وزگەرتۋ. باسقا دا نان-توقاش ونىمدەرىن وندىرۋشىلەر بۇل باستامانى  قولدايدى دەپ جوسپارلاپ وتىر قازاتۋ لىق ماماندار.

«نان ونىمدەرىنىڭ قۇرامىندا تۇزدى جوعارى دەنگەيدە تۇتىنۋ سەمىزدىك, ءىى ءتيپتى قانت ديابەتى جانە ونكولوگيالىق اۋرۋلاردىڭ كەيبىر تۇرلەرى, ارتەريالىق گيپەرتەنزيا, ينسۋلت, ينفاركتى قوسا العاندا جۇرەك-قان تامىرلارى اۋرۋلارى سياقتى سوزىلمالى ينفەكتسيالىق ەمەس اۋرۋلاردىڭ دامۋىنا اكەپ سوعادى. بۇل ميديتسينا عالىمدارى تاراپىنان دالەلدەنىپ وتىر. سول سەبەپتى ءبىز جاستارىمىزدىڭ دەنساۋلىعىنا قامقور بولۋ ماقساتىندا ءىستى وزىمىزدەن باستاپ وتىرمىز» — دەيدى, تاماق جانە قايتا وڭدەۋ وندىرىستەرىنىڭ تەحنولوگياسى كافەدراسىنىڭ اعا وقىتۋشىسى تەحنيكا عىلىمدارىنىڭ دوكتورى نۋربيبي سوۆەتقىزى.

دۇنيەجۇزىلىك دەنساۋلىق ساقتاۋ ۇيىمى جۇرگىزگەن سوڭعى زەرتتەۋلەردىڭ ناتيجەلەرى بويىنشا قازاقستاندا تۇزدى تۇتىنۋ الەم بويىنشا ەڭ جوعارى دەڭگەيدە.

«قازىرگى ۋاقىتتا ءبىزدىڭ ورتالىق «نۇر وتان» پارتياسىنىڭ استاناداعى فيليالىمەن بىرگە نانداعى تۇز مولشەرىن ازايتۋ بويىنشا ءىرى نان-توقاش وندىرۋشىلەرىمەن جۇمىستى باستادى. ءىرى وندىرۋشىلەردەن بولەك, اتالمىش اكتسياعا كىشىگىرىم ناۋبايحانالار دا قوسىلۋعا نيەت بىلدىرۋدە», — دەدى قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى رۋسلان ساتىۆالدەەۆ.

ددۇ ۇسىنعان مەجەدەن قازاقستاندىقتار تاۋلىكتىك دوزادان 3 ەسەدەن ارتىق مولشەردە قولدانىپ كەلەدى. دەمەك ءبىزدىڭ ەلدىڭ ءار تۇرعىنى كەم دەگەندە تاۋلىگىنە 17 گرامم تۇز پايدالانادى ەكەن. نەگىزىنەن كۇنىنە 5 گرامم تۇز تۇتىنۋ كەرەك. مامانداردىڭ ايتۋىنشا, تاعام ونىمدەرىندەگى تۇزدىڭ مولشەرىن ازايتۋدى جاپپاي تۇتىنۋ ءونىمى رەتىندە ناننان باستاۋ نەعۇرلىم ءتيىمدى بولىپ وتىر.