ءار ادامعا تاڭداۋ بەرىلەدى

«ادىرنا» ۇلتتىق-ەتنوگرافيالىق بىرلەستىگى» قق-ى (ادىرنا — ۇلتتىق-ەتنوگرافيالىق بىرلەستىگى ) «ازاماتتىق باستامالاردى قولداۋ ورتالىعى» كەاق-نىڭ (CISC )مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلا باستاعان ء«داستۇرلى رۋxاني قۇندىلىقتاردى قولداۋ جونىندەگى جۇمىستاردى ۇيىمداستىرۋ» جوباسى بويىنشا سەمينار-ترەنينگ ۇيىمداستىردى.
تاريح, سالت-ءداستۇر جايلى اتاۋلى شارا الماتى وبلىسىنداعى ۇشقوڭىر مەدرەسەسىندە ءوتتى.
سەمينار-ترەنينگتىڭ دارىسكەرلەرى رەتىندە فيلوسوفيا, ساياساتتانۋ جانە ءدىنتانۋ ينستيتۋتىنىڭ اعا عىلىمي قىزمەتكەرى, PhD دوكتور, ءدىنتانۋشى داۋرەن داريابەك  جانە ر.ب. سۇلەيمەنوۆ اتىنداعى شىعىستانۋ ينستيتۋتىنىڭ كىشى عىلىمي قىزمەتكەرى ارمان اۋباكىر رۋxاني قۇندىلىقتار جايىندا ءدارىس وقىدى. ءدارىس بارىسىندا شاكىرتتەردىڭ ءبىرى «ادامنىڭ ءوزى قالاعان جولمەن جۇرۋگە تاڭداۋى بار ما, الدە اللا تاعالا ءار ادامنىڭ جۇرەر جولىن ءاۋ باستان بەلگىلەپ قويا ما?» دەگەن ساۋال قويدى. بۇل سۇراققا ءدىنتانۋشى داۋرەن داريابەك: «تاراعان حاديستەردىڭ بىرىندە «ادام بالاسى دۇنيەگە كەلگەن ساتتە اللا وعان ەكى جولدى, ياعني دۇرىس جانە بۇرىس جولدىڭ ءبىرىن  تاڭداۋىنا مۇمكىندىك بەرەدى. جولداردىڭ قايسىسىن تاڭداۋ, ءار دامنىڭ ءوز ەركىندە. اينالاسىنا تەك جاقسىلىق جاساپ, كۇنالى ىستەن اۋلاق جۇرەتىن دۇرىس جولدى تاڭداۋ دا, كەرىسىنشە, كۇنالى ىستەرگە تولى بۇرىس جولدى تاڭداۋ دا ادامنىڭ ءوز ەركىندە» ەكەنى ايتىلادى. دەمەك, ومىردە قانداي جولدى تاڭداۋ, اركىمنىڭ ءوز ەنشىسىندە», دەپ ءتۇسىندىرىپ, جاۋاپ بەردى. سەمينار-ترەنينگتە مەدرەسە شاكىرتتەرى مۇنان بولەك ۇلتتىق قۇندىلىقتار مەن ءدىني ماسەلەلەرگە قاتىستى كوكەيلەرىندەگى كوپتەگەن سۇراقتارعا جاۋاپ الدى.
شارا سوڭىندا اقپاراتتىق-تانىمدىق بۋكلەتتەر تاراتىلىپ, جاستاردىڭ ءدارىستى قانشالىقتى تۇسىنگەنىن انىقتاۋ ماقساتىندا شاعىن ساۋالناما جۇرگىزىلدى.

م.كەڭەسبەكقىزى.