QR azamattyǵyna qabyldaýdan bas tartý negizderi

Osyndaı negizderdiń tizbesi «Azamatyq týraly» Zańnyń 17 babynda keltirilgen.  Eger Qazaqstan Respýblıkasynyń azamattyǵyna  qabyldaý týraly ótinish bildirgen adam:

• adamzatqa qarsy halyqaralyq quqyqta kózdelgen qylmys jasasa, Qazaqstan Respýblıkasynyń egemendigi men táýelsizdigine ádeıi qarsy shyqsa;
• Qazaqstan Respýblıkasy aýmaǵynyń birligi men tutastyǵyn buzýǵa shaqyrsa;
• ulttyq qaýipsizdikke, halyqtyń densaýlyǵyna nuqsan keltiretin quqyqqa qarsy áreketti júzege asyrsa;
• ultaralyq, konfessııaaralyq jáne dinı arazdyqty qozdyratyn bolsa, Qazaqstan Respýblıkasy memlekettik tiliniń qoldanylýyna qarsy áreket jasasa;
• terrorısttik jáne ekstermısttik uıymdarǵa    kirgen nemese terrorıstik áreketi úshin sottalǵan bolsa;
• halyqaralyq izdeýde bolsa, sottyń kúshine engen úkimi boıynsha jazasyn ótep júrse ne sot onyń áreketin erekshe qaýipti baýkespelik dep tanysa;
• basqa memlekettiń azamaty bolsa, bul ereje Qazaqstan Respýblıkasyna turaqty  turý maqsatynda kelgen, jaqyn týystarynyń bireýi — Qazaqstan Respýblıkasynyń azamaty bolyp tabylatyn, burynǵy odaqtas respýblıkalardyń azamattaryna taralady, eger olar  shetel azamattyqtan bas tartý týraly jazbasha ótinishpen júginse;
• Qazaqstan Respýblıkasynyń azamattyǵyna qabyldaý týraly ótinish bildirgen kezde ózi týraly jalǵan málimetter habarlasa nemese Qazaqstan Respýblıkasynyń zańnamasynda belgilengen merzimderde qajetti qujattardy dálelsiz sebeptermen tapsyrmasa;
• Qazaqstan Respýblıkasynyń aýmaǵynda nemese onyń sheginen tys jerlerde qasaqana qylmys jasaǵany úshin Qazaqstan Respýblıkasynyń zańmasymen solaı dep tanylǵan, sottylyǵy alynbaǵan nemese ótelmegen bolsa;
• Qazaqstan Respýblıkasynyń azamattyǵyna qabyldaý nemese Qazaqstan Respýblıkasynyń azamattyǵyn qalpyna keltirý týraly ótinish bergenge deıingi bes jyl ishinde ekonomıka salasynda quqyq buzýshylyq   jasasa;
• Qazaqstan Respýblıkasynyń azamattyǵyna qabyldaý nemese Qazaqstan Respýblıkasynyń azamattyǵyn qalpyna keltirý týraly ótinish bergenge deıingi bes jyl ishinde birneshe ret Qazaqstan Respýblıkasynyń halyqtyń kóshi-qony salasyndaǵy zańnamasyn  buzsa;
• Qazaqstan Respýblıkasynyń azamattyǵyna qabyldaý nemese Qazaqstan Respýblıkasynyń azamattyǵyn qalpyna keltirý týraly ótinish bildirgenge deıingi bes jyl ishinde osy Zańnyń 21 babynyń 1), 2) jáne 5) tarmaqshalary  negizinde Qazaqstan Respýblıkasynyń azamattyǵynan aıyrylsa;
• osy Zańnyń 21 babynyń birinshi bóligi 8) tarmaqshasy  negizinde Qazaqstan Respýblıkasynyń azamattyǵyn joǵaltsa;
• osy Zańnyń  20-1 baby negizinde Qazaqstan Respýblıkasynyń azamattyǵynan aıyrylsa, onyń ótinishi qabyldanbaıdy.