جاڭالىقتار
قىتاي جىلدامدىعى ۇشاقپەن تەڭەسەتىن پويىز شىعاردى
قىتاي ماماندارى جاساپ شىعارعان پويىز ساعاتىنا 1000 شاقىرىم جۇرەدى دەپ كۇتىلىپ وتىر. بۇل تۋرالى lenta.ua پورتالى حابارلادى.
قىتايلىقتار سوڭعى ون جىلدا كولىك سالاسى بويىنشا تەحنولوگيالىق سەرپىلىس جاساپ, جاقسى دامىپ كەلەدى. 1980 جىلدارى قىتاي جولدارىندا ەسكى پاراۆوزدار جۇرگەن بولسا, قازىر ەلدە ساعاتىنا 350 كم جىلدامدىقپەن جۇرەتىن پويىزدارعا ارنالعان تەمىرجول جەلىسى قالىپتاسقان. ونىڭ ۇستىنە قىتايلىقتار قازىر ۇشاققا قاراعاندا پويىزبەن ءجۇرۋدى ءجون سانايدى ەكەن.
ەندى قىتاي 1 ساعاتتا 1000 شاقىرىم جەردى باسىپ وتەتىن پويىزدى ەنگىزبەكشى. تەمىرجول جەلىلەرىن دە سوعان باعىتتاپ سالماقشى, ياعني, ماگنيتتىك لەۆيتاتسيا قاعيداسىمەن سالىنادى.
كەلەسى جىلدىڭ باسىندا قىتاي پروۆينتسيالارىنىڭ بىرىندەگى تەمىرجولدىڭ ءبىر بولىگىنە وسىنداي جاڭا جولدى سىناقتان وتكىزۋ قاراستىرىلىپ وتىر. ال, الداعى ون جىلدا قىتاي ۇكىمەتى ەلدەگى تەمىرجولدىڭ بارلىعىن جوعارى جىلدامدىققا بەيىمدەلگەن جەلىگە اۋىستىرۋدى جوسپارلاپ وتىر.
