الەم جاڭالىقتارىجاڭالىقتار
ۇتىسى بار لوتەرەيا بيلەتىن تاپقان ەر ادام اقشادان باس تارتتى
سينگاپۋرلىق تۇرعىن لوتەرەيادان ۇتقان ۇتىستان باس تارتىپ وتىر. ويتكەنى ول بيلەتتى ءوزىنىڭ بيلەتىمەن قوسا قاتەلەسىپ الىپ كەتكەن ەكەن. بۇل تۋرالى Lenta.ru سايتى جازدى.
5 قازان كۇنى 63 جاستاعى بيزنەسمەن رەدحيلل اۋدانىنداعى Singapore Pools ويىن-ساۋىق ورتالىعىنان لوتەرەيا بيلەتىن ساتىپ العان. قايتارىندا شاتاسىپ سورەدەن ءبىر بيلەتتىڭ ورنىنا ەكى بيلەت الىپ كەتەدى.
ءبىراز ۋاقىت وتكەننەن كەيىن عانا ول شاتاسىپ تاعى ءبىر بيلەت الىپ كەتكەنىن اڭعارادى. بيلەتتە ساتىپ الىنعان ۋاقىتى كورسەتىلگەن ەكەن. سوعان قاراپ, بۇل بيلەتتىڭ يەسى وزىنە دەيىن ساتىپ العانىن بىلەدى.
بيزنەسمەن الىپ كەتكەن 4069 ءنومىر سەنبى كۇنى ويناتىلعان سىيلىقتىڭ بىرىنە سايكەس كەلىپ, ۇتىسقا يە بولادى. ۇتىس سوماسى 5 مىڭ سينگاپۋرلىق دوللار بولادى (شامامەن 1,5 ملن تەڭگە). بىراق ول بۇل ۇتىستان كوك تيىن دا المايتىنىن ايتادى. بيزنەسمەن بيلەتتىڭ يەسىن تاۋىپ, قايتارىپ بەرمەكشى ەكەن.
بيلەتتى قايتارۋ ماقساتىندا 7 قازان كۇنى ەر ادام Singapore Pools-ءتىڭ باس وفيسىنە جانە پوليتسيا بولىمشەسىنە بارادى.
«مەن ادال بولۋعا تىرىسامىن, بىراق ادال ادام بولۋدىڭ ماشاقاتى كوپ ەكەن. بيلەت تۋرالى اقپاراتتى جاڭالىقتارعا بەرىپ كورەمىن. ونى زاڭدى يەسىنە قايتارىپ بەرەتىنىنە سەنگىم كەلەدى», — دەدى ول.
