جۇرگىزۋشى كۋالىگىنسىز كولىك جۇرگىزگەندەرگە سالىناتىن ايىپپۇل بەس ەسەگە ارتادى

جۇرگىزۋشى كۋالىگى كولىك جۇرگىزۋشىلەر ايىپپۇل سالۋ سونداي-اق…

ورالدا كوشە بويىنداعى جابايى ساۋدا جايلاپ بارادى ەلىمىزدە كولىكتى ماس كۇيىندە جۇرگىزگەندەرگە جازا كۇشەيەدى جامبىل وبلىسىندا ماس كۇيىندە كولىك تىزگىندەۋشىلەر كوبەيىپ كەتكەن ەلوردادا جۇرگىزۋشى كۋالىگىنسىز «تاكسيلەتۋشىلەر» كوبەيىپ بارادى كوكشەتاۋدا قوعامدىق كولىك جۇرگىزۋشىلەرى ءبىر كۇندە 70-تەن استام رەت ەرەجە بۇزدى جۇرگىزۋشى كۋالىگىنسىز كولىك جۇرگىزگەندەرگە سالىناتىن ايىپپۇل بەس ەسەگە ارتادى

ءماجىلىس جاڭا اكىمشىلىك قۇقىق بۇزۋشىلىقتار كودەكسىن تالقىعا سالدى: جۇرگىزۋشى كۋالىگىنسىز كولىك جۇرگىزۋدىڭ ايىپپ ۇلى 5 ەسەگە ارتاتىن بولدى.

جۇرگىزۋشى كۋالىگى جوق تۇلعانىڭ كولىك قۇرالىن باسقارعانى ءۇشىن ايىپپۇلدى 5 ەسەگە ارتتىرۋ نيەتىن دەپۋتاتتار ايتىپ وتىر. بۇل تۋرالى بۇگىن ءماجىلىستىڭ وتىرىسىندا زاڭناما جانە سوت-قۇقىقتىق رەفورما كوميتەتىنىڭ مۇشەسى, دەپۋتات قانات مۋسين مالىمدەدى, دەپ حابارلايدى Zakon.kz.

قازىرگى ۋاقىتتا مۇنداي قۇقىق بۇزۋشىلىق ءۇشىن جازا 10 اەك (25 250 تەڭگە) كولەمىندە ايىپپۇل تولەۋدى قاراستىرادى. ەندى اكىمشىلىك قۇقىق بۇزۋشىلىق تۋرالى كودەكسكە وزگەرتۋلەر ەنگىزۋ باستاماسىن كوتەرگەندەر بۇل سومانى 50 اەك-كە (126 250 تەڭگە) دەيىن كوبەيتۋدى ۇسىنۋدا.

ءمۋسيننىڭ پىكىرىنشە, اكىمشىلىك قۇقىق بۇزۋشىلىق تۋرالى كودەكسكە ەنگىزىلگەن تۇزەتۋلەر اكىمشىلىك زاڭنامانى جەتىلدىرۋگە, اكىمشىلىك جاۋاپكەرشىلىكتى ىزگىلەندىرۋگە, مەملەكەتتىك ورگاندار مەن سوت بيلىگى اراسىنداعى وكىلەتتىكتەردىڭ اراجىگىن اجىراتۋعا باعىتتالعان.

اتاپ ايتقاندا, دەپۋتاتتار جەكەلەگەن قۇقىق بۇزۋشىلىقتاردى جويىپ, كودەكستەن الىپ تاستادى. بۇل ازاماتتاردى جاۋاپكەرشىلىككە تارتپاي-اق, سوتتا ازاماتتىق ءىس بويىنشا شەشۋگە بولاتىن داۋلارعا قاتىستى جاسالادى.

بىرقاتار قۇقىق بۇزۋشىلىق ءۇشىن ايىپپۇلدار مولشەرى ازايتىلدى. سونداي-اق قولدانىستاعى اكىمشىلىك جازالار جەڭىلدەتىلدى. – سونىمەن بىرگە دەپۋتاتتاردىڭ ۇسىنىسى بويىنشا جول قوزعالىسى سالاسىنداعى بەلگىلى ءبىر بۇزۋشىلىقتار ءۇشىن ايىپپۇلدار كوبەيتىلدى.

ماسەلەن, كولىك قۇرالىن جۇرگىزۋ قۇقىعىنان ايىرىلعان ادام رولگە وتىرسا, 50 اەك ايىپپۇل سالىنادى.

قازىر بۇل ايىپپۇل مولشەرى – 10 اەك. مۇنداي بۇزۋشىلىقتى قايتالاعانى ءۇشىن ايىپپۇل مولشەرى 20-دان 70 اەك-كە دەيىن ۇلعايتىلدى.

بۇل تۇزەتۋ قازاقستاندىقتاردىڭ جولداعى قاۋىپسىزدىگىن قامتاماسىز ەتۋ ءۇشىن قابىلداندى, – دەدى مۋسين.