ايىپپۇلدان تۇرمەگە دەيىن: قازاقستاندىق جۇرگىزۋشىلەر نەنى ءبىلۋى ءتيىس

جىلدامدىقتى اسىرۋ

اكىمشىلىك قۇقىق بۇزۋشىلىق تۋرالى كودەكستىڭ 592-بابى 1-تارماعىنا سايكەس, بەلگىلەنگەن جىلدامدىقتى ساعاتىنا 10-نان -20 شاقىرىمعا دەيىن ارتتىرعانى ءۇشىن 5 اەك, ياعني 12 625 تەڭگە ايىپپۇل سالىنادى.

• ساعاتىنا 20-دان 40 شاقىرىمعا دەيىن – 10 اەك نەمەسە 25 250 تەڭگە;
• ساعاتىنا 40 شاقىرىمنان استام شاماعا ارتتىرۋ – 20 اەك نەمەسە 50 500 تەڭگە.

اكىمشىلىك جازادان كەيىن وسى ارەكەتتەر بiر جىل iشiندە تاعى قايتالانسا, وندا 30 اەك – 75 750 تەڭگە ايىپپۇل سالىنادى.

قاۋىپسىزدىك بەلدىگىن تاقپاۋ

كودەكستىڭ 593-بابىنا سايكەس, قاۋىپسىزدىك بەلدىگىن تاقپاعاندار 5 اەك, ياعني 12 625 تەڭگە ايىپپۇل تولەيدى.

ەگەر ءبىر جىل ىشىندە ءدال وسى ەرەجەنى قايتا بۇزسا, 10 اەك – 25 250 تەڭگە ايىپپۇل قاراستىرىلعان.

باعدارشامنىڭ قىزىل ءتۇسىن ەلەمەۋ

599-باپتىڭ 1-تارماعىنا سايكەس, باعدارشامنىڭ قىزىل ءتۇسىن ەلەمەي نەمەسە رەتتەۋشىنىڭ «توقتا» دەگەن قيمىلىنا قاراماي ءجۇرىپ وتەتىندەر 10 اەك – 25 250 تەڭگە ايىپپۇل ارقالايدى.

ەگەر وسى ارەكەت ءبىر جىل ىشىندە قايتالانسا, وندا ايىپپۇل سوماسى ارتادى. جۇرگىزۋشى 15 اەك نەمەسە 37 875 تەڭگە تولەۋگە مىندەتتەلەدى.

مانەۆر جاساۋ ەرەجەلەرىن بۇزۋ

كودەكستىڭ 595-بابىندا مانەۆر قاعيدالارىن بۇزاتىن جۇرگىزۋشىلەرگە اكىمشىلىك جازا قاراستىرىلعان.

ەگەر جۇرگىزۋشى ءجۇرۋ, باعىتىن وزگەرتۋ, بۇرىلۋ, كەرى بۇرىلۋ نەمەسە توقتاۋ الدىندا سيگنال بەرمەسە, وندا 5 اەك – 12 625 تەڭگە ايىپپۇل تولەيدى.

مانەۆر جاساۋعا تىيىم سالىنعان جەردە ارتقا ءجۇرۋ 10 اەك نەمەسە 25 250 تەڭگە ايىپپۇل سالۋعا اكەپ سوعادى.

ءبىر جىل ىشىندە تاعى قايتالانسا –  20 اەك = 50 500 تەڭگە.

كولىكتى توقتاتۋ نەمەسە تۇراققا قويۋ

• كولىكتىڭ ايالداۋى نەمەسە توقتاپ تۇرۋى ەرەجەلەرىن بۇزۋ – 5 اەك = 12 625 تەڭگە;
• كولىكتى تروتۋارعا, گۇلزار, بالالار نەمەسە سپورت الاڭدارىندا تۇراققا قويۋ – 10 اەك = 25 250 تەڭگە;
• جول قوزعالىسىنا كەدەرگى كەلتىرىپ, كولىكتى جولدىڭ جۇرەتىن بولىگىنە قويۋ – 10 اەك = 25 250 تەڭگە;
• مۇگەدەكتەرگە ارنالعان تۇراققا توقتاۋ – 10 اەك = 25 250 تەڭگە;
• اقىلى اۆتوتۇراققا قويعانى ءۇشىن اقى تولەۋدەن جالتارۋ – 3 اەك = 7 575 تەڭگە, ەگەر ءبىر جىل ىشىندە قايتالاپ جاساسا, 5 اەك = 12 625 تەڭگە.

تەلەفونمەن سويلەسۋ

كودەكستىڭ 591-بابى 1-تارماعىنا سايكەس, كولىك ايداۋ كەزىندە تەلەفون نەمەسە راديوستانتسيا پايدالانعان جۇرگىزۋشى 5 اەك = 12 625 تەڭگە ايىپپۇل ارقالايدى. زاڭ بۇزۋشىلىق ءبىر جىل ىشىندە قايتالانسا, 10 اەك = 25 250 تەڭگە تولەيدى.

ەسكەرتۋ: تەلەفوندى نە راديوستانتسيانى قۇلاققاپ كيىپ نەمەسە قاتتى داۋىسقا قويىپ پايدالانۋعا رۇقسات ەتىلەدى.

جول اپاتىنا ءتۇسىپ قالساڭىز

اكىمشىلىك قۇقىق بۇزۋشىلىق تۋرالى كودەكستىڭ 610-بابىنا سايكەس, ەگەر جۇرگىزۋشى باسقا كولىككە, جۇككە, جولعا, جولداعى قۇرىلىستارعا نەمەسە باسقا دا م ۇلىككە زيان كەلتىرسە, 20 اەك = 50 500 تەڭگە ايىپپۇل تولەيدى. نەمەسە 6 اي مەرزىمگە جۇرگىزۋشى كۋالىگىنەن ايىرىلادى.

ەگەر جابiرلەنۋشiنiڭ دەنساۋلىعىنا جەڭiل زيان كەلتiرسە, 40 اەك = 101 000 تەڭگە ايىپپۇل تولەۋگە مىندەتتى. نەمەسە 9 ايعا دەيىنگى مەرزىمگە كولىك ايداۋ قۇقىعىنان ايىرىلادى.

جول اپاتىنا كىنالى ادام بۇعان دەيىن جۇرگىزۋشى كۋالىگىنەن ايىرىلسا, وندا 60 اەك = 151 500 تەڭگە مولشەرىندە ايىپپۇل تولەۋگە مىندەتتى.

جۇرگىزۋشى ءوزى جول اپاتىنا سەبەپكەر بولىپ, وقيعا ورنىنان ءىزىن سۋىتسا, وندا 1 جىلعا كولىك جۇرگىزۋ قۇقىعىنان ايىرىلادى. ەگەر جۇرگىزۋشى بۇعان دەيىن كۋالىگىنەن ايىرىلسا, وندا 100 اەك = 252 500 تەڭگە تولەيدى نەمەسە 30 تاۋلىككە اكىمشىلىك قاماۋعا الىنۋى مۇمكىن.

ەسكەرتۋ: ەگەر جۇرگىزۋشى زارداپ شەككەن ادامعا مەديتسينالىق كومەك كورسەتۋ ءۇشىن وقيعا ورنىنان كەتىپ قالسا, جاۋاپكەرشىلىكتەن بوساتىلادى.

قىلمىستىق جاۋاپكەرشىلىك

قىلمىستىق كودەكستىڭ 345-بابى 1-تارماعىنا سايكەس, ەگەر جۇرگىزۋشى ابايسىزدا ادامنىڭ دەنساۋلىعىنا «اۋىرلىعى ورتاشا» زيان كەلتىرسە, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ەكى جىلعا دەيiنگi مەرزiمگە ايىرىلا وتىرىپ, 160 اەك = 404 000 تەڭگە ايىپپۇل تولەيدى. نە سول مولشەردە تۇزەۋ جۇمىستارىنا نە 160 ساعاتقا قوعامدىق جۇمىستارعا تارتىلادى, نەمەسە 40 تاۋلىككە دەيىنگى مەرزىمگە قاماۋعا الىنادى.

ابايسىزدا ادامنىڭ دەنساۋلىعىنا اۋىر زيان كەلتiرسە, بەلگىلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءۇش جىلعا ايىرىلا وتىرىپ, 2000 اەك = 5 050 000 تەڭگە ايىپپۇل سالىنادى, نەمەسە سول مولشەردە تۇزەۋ جۇمىستارىنا, نە 600 ساعاتقا قوعامدىق جۇمىستارعا تارتىلادى. نە بولماسا, 2 جىلعا دەيىن باس بوستاندىعى شەكتەلەدى, نە سول مەرزىمگە باس بوستاندىعىنان ايىرۋ جازاسىنا كەسىلەدى.

ەگەر جول اپاتى ابايسىزدا ادام ولىمىنە اكەپ سوقسا, كىنالى ادام بەلگىلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان بەس جىلعا ايىرىلىپ, بەس جىلعا دەيىنگى مەرزىمگە سوتتالادى.

جۇرگىزۋشى ابايسىزدا ەكi نەمەسە ودان دا كوپ ادامنىڭ ولiمiنە سەبەپكەر بولسا, بەلگىلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان جەتى جىلعا دەيiن ايىرىلا وتىرىپ, بەس جىلدان ون جىلعا دەيىن باس بوستاندىعىنان ايىرىلادى.