Bilim

Bıyl UBT qandastar úshin onlaın formatta ótedi

07/06/2021

0 652

Bilim jáne ǵylym mınıstri «Aq jol» frakııasynyń depýtattyq saýalyna jaýap berdi.

Bıyl 28 sáýirde QR Parlamenti Májilisi depýtaty Qazybek Isa Bilim jáne ǵylym mınıstri Ashat Aımaǵambetovke «Aq jol» frakııasy atynan depýtattyq saýal joldap, qandas jastardyń bilim alý máselesine qatysty ózekti máselelerdi kóterdi. Onda basty másele – Qazaqstandaǵy jáne álemdegi epıdemıologııalyq jaǵdaıǵa baılanysty sheteldegi qandas jastardy oqýǵa onlaın qabyldaý kerektigi bolatyn.
Jaqynda Bilim jáne ǵylym mınıstri A.Aımaǵambetovten resmı jaýap keldi. Bıyl UBT kandastar úshin 2021 jylǵy maýsym aıynda onlaın formatta ótetin boldy.

Qurmetti depýtattar!

Qazaqstan Respýblıkasy Bilim jáne ǵylym mınıstrligi (budan ári – Mınıstrlik) depýtattyq saýaldy qarastyryp kelesini habarlaıdy.

Mınıstrlik Ulttyq biryńǵaı testileýdiń (budan ári – UBT) tapsyrýyn talapkerlerge yńǵaıly etý maqsatynda UBT aǵymdaǵy jyly alǵash ret tolyǵymen elektrondy formatqa kóshirildi.

2020 jyly Qazaqstandaǵy jáne álemdegi epıdemıologııalyq jaǵdaıǵa baılanysty Mınıstrlik Ulttyq testileý ortalyǵymen (budan ári – UTO) birlesip qandastar úshin UBT-ny onlaın formatta uıymdastyrdy.
Ol sátti synaqtan ótip, 2020 jylǵy 19 shildede 551 adamnyń qatysýymen ótkizildi.
UBT-ny obektıvti ótkizý maqsatynda test tapsyrý proesi kezinde proktorıng jáne beınemonıtorıng júıesi tolyq qamtamasyz etildi.

Bıyl Qazaqstandaǵy jáne álemdegi epıdemıologııalyq jaǵdaıǵa baılanysty UBT kandastar úshin 2021 jylǵy maýsym aıynda 2020 jylǵy tájirıbeni eskere otyryp onlaın formatta ótedi.
UBT tapsyrýdyń bul formaty Mınıstrlik, UTO jáne «Otandastar» qorymen birge jan-jaqty qaraldy.

Mınıstrlik qandastarǵa qazaqstandyq joǵary oqý oryndarynda joǵary bilim alý múmkindigin keńeıtý boıynsha turaqty negizde jumys júrgizýde.

Elimizdegi jáne jalpy álemdegi epıdemıologııalyq jaǵdaıǵa baılanysty UBT-ny uıymdastyrý proesi kezinde bizdiń stýdentter men jastardyń densaýlyǵy máselesi Mınıstrlik úshin basym bolyp tabylatyndyǵyn aıta ketken jón.

Mınıstr A. Aımaǵambetov

Keshe qandastar QR Bilim jáne ǵylym mınıstrligine jáne Parlamentte sheteldegi qandas jastardyń emtıhandy onlaın tapsyrýy máselesin kótergen «Aq jol» frakııasyna alǵys aıtty.

Bul týraly Qanat Qaqar esimdi qandasymyz áleýmettik jelide jazdy.

— QR Bilim jáne Ǵylym mınıstrligine, Májilis depýtaty Qazybek Isa aǵaıǵa myń alǵys! Ulty qazaq sheteldik azamattar emtıhanǵa onlaın qatysý múmkindigin aldy,- dep jazdy ol.

Atap ótý kerek, Qazaqstan Respýblıkasynyń Bilim jáne ǵylym mınıstrligi sheteldik azamattardy, sonyń ishinde, bakalavrıat, magıstratýra jáne doktorantýranyń bilim berý baǵdarlamalary boıynsha elimizdiń joǵary oqý oryndarynda oqýǵa Qazaqstan Respýblıkasynyń azamaty bolyp tabylmaıtyn qazaqtardy oqýǵa shaqyrǵan bolatyn.