ء«وزىڭدى, ءوز ءىسىڭدى تاپ!»

كەزدەسۋگە پەتروپاۆل قالاسىنىڭ جاستارى, بەلسەندىلەر جانە قالا تۇرعىندارى قاتىستى.

ءىس-شارا سپيكەرلەرى , «راۆنايا دوروگا» اۆتومەكتەبىنىڭ ديرەكتورى, قازاقستانداعى مۇمكىندىگى شەكتەۋلى جاندارعا ارنالعان العاشقى اۆتومەكتەپتىڭ نەگىزىن قالاۋشى, «قىزىلجار ادالدىق الاڭى» جوبالىق كەڭسەسىنىڭ مۇشەسى  — ءسالىمحان سابيتوۆ جانە قوعام بەلسەندىسى قالالىق ءماسليحات دەپۋتاتى ۆلاديمير ۆتيچەنكو بولدى.

ءسابيت مىرزا كەزدەسۋ قاتىسۋشىلارىنا ءوز قىزىعۋشىلىعىڭدى, ءحوببيىڭدى, سۇيىكتى ءىسىڭدى, كۇندەلىكتى جاسايتىن شارۋاڭدى قالاي كاسىپ ەتۋگە بولاتىندىعىن, سونىمەن قاتار ق ۇلىقسىزدىقتان, جالقاۋلىقتان, قۇلشىنىس, تالپىنىس جوقتىقتان قالاي ارىلۋعا بولاتىندىعىن ايتتى.

«ادام اۋەلى بۇل ومىردەگى ءوزىنىڭ ميسسياسىن, ءوزىن, ءوز ءىسىن تابۋى قاجەت. ول نەمەن شۇعىلدانعاندى ۇناتاتىنىن, نە نارسە وعان شابىت بەرەتىنىن, قانداي ءىس جاساعاندا جۇمىس جاساپ جاتقانىن ەمەس, دەمالىپ جاتقانىن ۇعۋى قاجەت. سول ارقىلى ءوزىنىڭ ءىسىن تاۋىپ, تابىس تابۋعا جول اشاتىن ق ۇلىپتىڭ كىلتىن جاساۋى قاجەت. ماسەلەن, ءبىر ادام تاماق ءپىسىرۋدى, ەندى ءبىرى اڭعا شىققاندى, ال باسقا ءبىر ادام جاي قىدىرعاندى ۇناتۋى مۇمكىن. جاقسى كورەتىن ىستەن دە تابىس كوزىن جاساپ الۋعا بولادى. تاماق ءپىسىرىپ سات, اڭعا شىعۋعا قاجەتتى زاتتاردى جالعا بەر, قىدىرۋعا ارنالعان تۋرلار ۇيىمداستىر. مىنە, كوردىڭىز بە, كاسىپتىڭ نەگىزى – جاقسى كورىپ جاساۋدا جاتىر» دەدى ءسابيت مىرزا ءوز سوزىندە.

سونىمەن قاتار شاراعا قالالىق جۇمىسپەن قامتۋ ورتالىعىنىڭ قىزمەتكەرلەرى دە قاتىسىپ, جاستارعا بوس جۇمىس ورىندارىن ۇسىنىپ, جۇمىسسىزدىقپەن كۇرەسۋگە قاتىستى جاسالىپ جاتقان وسىنداي شارالاردىڭ ماڭىزدىلىعىن اتاپ ءوتتى.

ءماسليحات دەپۋتاتى ۆلاديمير ۆيتچەنكو جاستارعا قوعامدا بەلسەندى بولۋعا شاقىردى:

«قوعامدىق شارالاردان كوبىنە جاستار قاشقاقتاپ, قاتىسقىسى كەلمەي, تۇك پايداسى جوق دەپ ويلايدى. الايدا ايتپاعىم, كەز كەلگەن وسىنداي شارالار قوعام ءۇشىن جاسالاتىندىقتان, قوعامنىڭ بولشەگى رەتىندە مىنا – ءبىز قاشان دا ءبىز ءۇشىن ۇيىمداستىرىلىپ جاتقان دۇنيەلەردەن قاشپاۋىمىز كەرەك. بەلسەندى بولىپ, ءوز پىكىرىمىزدى بىلدىرۋدەن, ويىمىزدى جەتكىزۋدەن, دىتتەگەن يدەيامىزدى ىسكە اسىرۋدان, كەدەرگىلەرگە قاراماستان ويلاعانىمىزدى ىسكە اسىرۋدان قورىقپاۋىمىز قاجەت. ال سونداي ۇرەيدى سەيىلتەۋگە بۇگىنگى وتكەن شارا سەكىلدى جىگەرلى كەزدەسۋلەر كومەكتەسەدى» دەپ قوستى ول.

كەزدەسۋ بارىسىندا جينالعان جاستار سپيكەرلەرگە ءتۇرلى سۇراقتار قويىپ, ءوز ويلارىمەن, تىڭ يدەيالارىمەن, ويعا العان باستامالارىمەن ءبولىسىپ, كەڭەس الدى.