NEET جاستارى
«كوممۋنيكاتسيا ماڭىزدى باعىت»: PR مامانى جاستارعا شەبەرلىك سىنىبىن وتكىزدى
ءال-فارابي اتىنداعى قازاق ۇلتتىق ۋنيۆەرسيتەتىندە بەلگىلى PR مامانى ايبار ولجايمەن شەبەرلىك سىنىبى ءوتتى.
ءىس-شارانىڭ ماقساتى كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.
كۇن تارتىبىندە جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرىن انىقتاۋ, جاستارعا كومەك بەرۋ جانە كاسىبي باعدارلاۋ تۇرلەرى, ەڭبەك نارىعىنداعى قاجەتتى ماماندىقتار, جاستاردى كاسىپكەرلىك قىزمەتكە وقىتۋ, جاستارىنىڭ قوردالانعان ماسەلەلەرى تۋرالى كەزدەسۋ بولماق.
ءىس-شارا سپيكەرلەرى ايبار ولجاي جانە قازۇۋ وقىتۋشىسى نازگۇل شىڭعىسوۆا «ادىرنا» ۇەب» قق جانە كاسىپ پەن وقۋدا جەتىستىككە جەتكەن, ەڭبەكقور قازاقستانعا بەلگىلى تۇلعالارى مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرىمەن ءبولىستى.
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىق سمم سالاسى جانە قاي سالانى بەلسەندى دامىتۋ كەرەك, جاستاردى كاسىپكەرلىك قىزمەتكە وقىتۋ, كاسىپكەردىڭ قاجەتتى داعدىلارى, جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولدى.
قاتىسۋشى ستۋدەنتتەر مامانعا ءتۇرلى ساۋالدار قويىپ, الەمۋەتتىك جەلى ارقىلى قالاي تابىس تابۋعا بولاتىنى جايلى اقپاراتتار ءبىلدى.
قاتىسقان جاستار «ادىرنا» قق-نىڭ ارنايى سەرتيفيكاتتارىمەن ماراپاتتالدى.
