قر ازاماتتىعىن الۋ

ورالمانداردىڭ قۇقىقتارى مەن مىندەتتەرى

ورالماندار مەن ولاردىڭ وتباسى مۇشەلەرى كەلەسىگە قۇقىلى: قازاقستان رەسپۋبليكاسىنىڭ ازاماتتىعىن جەڭىلدەتىلگەن (تىركەۋ) تارتىپپەن الۋ. قازاقستان رەسپۋبليكاسىنىڭ زاڭناماسىندا بەلگىلەنگەن جەڭىلدىكتەر, وتەماقىلار جانە الەۋمەتتىك كومەكتىڭ باسقا دا تۇرلەرى; قولداعى قۇجاتتار نەگىزىندە قازاقستان رەسپۋبليكاسىنىڭ ازاماتتىعىن العاننان كەيىن اتى, اكەسىنىڭ اتى (بولعان جاعدايدا) جانە تەگىنىڭ سقازاق تىلىندە دۇرىستاپ جازىلۋى; زاڭدى تۇلعا قۇرماي-اق جەكە كاسىپكەرلىكتى جۇزەگە اسىرۋ. قىزمەتتىك نەمەسە جەكە تۇرعىن ءۇي بولماعان جاعدايدا ورالمانداردىڭ بەيىمدەلۋ جانە ينتەگراتسيا ورتالىقتارىندا, ۋاقىتشا ورنالاستىرۋ ورتالىقتارىندا ۋاقىتشا ءبىر جىلدان اسپايتىن مەرزىمگە تىركەۋگە تۇرۋ. ورالماندار مەن ولاردىڭ وتباسى مۇشەلەرىنىڭ مىندەتتەرى: قازاقستان رەسپۋبليكاسىنىڭ شەتەلدەگى مەكەمەلەرىنە, سونداي-اق جەرگىلىكتى اتقارۋشى ورگاندارعا ورالمان مارتەبەسىن بەرۋ تۋرالى ولاردىڭ وتىنىشتەرىن قاراۋ جانە (نەمەسە) ورالمانداردى قابىلداۋدىڭ وڭىرلىك كۆوتاسىنا ەنگىزۋ ءۇشىن قاجەتتى شىنايى مالىمەتتەر ۇسىنۋ; دەنساۋلىق ساقتاۋ ورگاندارىنىڭ تالاپ ەتۋى بويىنشا مەديتسينالىق تەكسەرۋدەن ءوتۋ, ەكپەلەردى الۋعا, ەمدەۋ كۋرسىنان وتۋگە, سونداي-اق دەنساۋلىق ساقتاۋ ورگاندارىنىڭ نۇسقامالارىن ورىنداۋ; ورالمانداردىڭ بەيىمدەلۋ جانە ينتەگراتسيا ورتالىقتارىنا جولداما العان كەزدە وندا ءۇش كۇنتىزبەلىك كۇنگە كوشۋگە جانە كوشى-قون ماسەلەلەرى جونىندەگى ۋاكىلەتتى ورگان بەلگىلەگەن بولۋ كەزەڭى اياقتالعاننان كەيىن بەرىلگەن ءۇي-جايدى بوساتۋ; ۋاقىتشا ورنالاستىرۋ ورتالىقتارىندا جانە ورالمانداردىڭ بەيىمدەلۋ جانە ينتەگراتسيا ورتالىقتارىندا بولۋدىڭ بەلگىلەنگەن ءتارتىبىن ساقتاۋ. ورالمان مارتەبەسىنىڭ توقتاتىلۋى ورالمان مارتەبەسi كەلەسى جاعدايلاردا توقتاتىلادى: ورالمان قازاقستان رەسپۋبليكاسىنىڭ ازاماتتىعىن العاننان كەيiن; قازاقستان رەسپۋبليكاسىندا تۇراقتى تۇرۋعا رۇقساتتىڭ كۇشى جويىلعان جاعدايدا; ورالمان مارتەبەسىن العان كۇننەن باستاپ ءبىر جىل وتكەننەن كەيىن.