Актер және ММА спортшысы Еркебұлан Тоқтар анасына тосын сый жасап, оның көңілін бір көтеріп тастады, деп жазады qandastar.kz.
Белгілі болғандай, Еркебұланның анасы бұрын-соңды көлік мінбеген. Бұл – оның алғашқы автокөлігі.
«Талай жыл бойы базарда ыстыққа да, суыққа да қарамай еңбектеніп, бізді өсіріп, жетілдірген анашымның өміріндегі ең бірінші көлігі», – деп бөлісті Еркебұлан Тоқтар.
Бұл көріністі актердің жанкүйерлерін бей-жай қалдырмады. Олар әлеуметтік желіде қуанышын жасырмай, жылы лебіздерін жазып жатты.
«Баршаңызға жұғысты болсын», «Анасын ардақтай білген азамат», «Еркебұлан, жарадың!», – деп пікір қалдырды көпшілік.
