Ұлттық қауіпсіздік комитеті 2025 жылғы сыбайлас жемқорлыққа қарсы іс-қимыл нәтижелерін жариялады, деп хабарлайды qandastar.kz порталы.
Комитет сыбайлас жемқорлыққа қарсы жүйелі жұмыс жүргізіп келеді.
Атап айтқанда, 2025 жылы 895 адамның заңсыз әрекетінің жолын кесті.
Сондай-ақ 1 052 қылмыстық іс қозғалып, 969-ына қатысты тергеу аяқталды, оның 860-ы сотқа жолданды.
«Сыбайлас жемқорлық фактілерінің басым бөлігі пара алу және бюджет қаражатын ұрлау сияқты қылмыстарға қатысты», — делінген мәлімдемеде.
Құны 3,3 млрд теңге болатын мүлікке тыйым салынды.
Сыбайлас жемқорлық фактілері туралы хабарлағаны үшін 61 адамға 24,2 млн теңге сомасында сыйақы берілді.
