Қазақстанның екі өңірінде қолайсыз ауа райына байланысты жол қозғалысына уақытша шектеу қойылды.
Алматы облысы
14 ақпан күні сағат 10:30-дан бастап ауа райының күрт нашарлауына байланысты бірнеше жол учаскесінде көліктің барлық түрі үшін қозғалыс тоқтатылды. Атап айтқанда:
-
«Астана – Қарағанды – Алматы» автожолының 955–1121 шақырымы (Жамбыл облысының шекарасынан Күрті ауылына дейін);
-
«Қонаев – Күрті» автожолының 0–67 шақырымы (Қонаев қаласынан Күрті ауылына дейін).
Жамбыл облысы
Сол күні сағат 10:30-да осыған ұқсас шектеу «Астана – Қарағанды – Алматы» автожолының 893–955 шақырымы аралығында енгізілді. Бұл учаске Бурылбайтал ауылынан Алматы облысының шекарасына дейінгі бөлікті қамтиды.
Мамандардың алдын ала мәліметінше, жол қозғалысы шамамен 15 ақпан күні сағат 07:00-де қайта жанданады.
