زاڭگەر كەڭەسىقۇقىق

ەڭ كوپ سۇرالاتىن ساۋالدار

قازىردە جەدەل جەلى بايلانىسى (8778 808 77 08) ارقىلى ءوز مۇقتاجدىعىن, زاڭسىز اركەتتەردى زاڭگەر كەڭەسىمەن شەشىپ الاتىن مۇمكىندىكتەر بار. وسىعان وراي بىزگە حابارلاسقان حالىقتىڭ ەڭ كوپ قويىلار ساۋالدارىنا كەزەك بەرسەك. ەڭ كوپ سۇرالاتىن ساۋالدار ءالى دە جالعاسىن تاباتىنىن, سىزدەر سۇراق قويۋ ارقىلى جۇزەگە اساتىنىن ەسكەرتە كەتكىمىز كەلەدى.

1 ساۋال. ەتنيكالىق قازاق ستۋدەنتتەرگە جوو ارقىلى ازاماتتىقا ءوتۋ ءتارتىبى
جاۋاپ: قر كوشى-قون زاڭىنىڭ 33-بابىندا كورسەتىلگەندەي:
قازاقستان رەسپۋبليكاسىنا ءبىلىم الۋ ماقساتىمەن كەلگەن ەتنيكالىق قازاقتار وقۋعا تۇسكەننەن كەيىن: 1) تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرۋ مەكەمەلەرىنىڭ جاتاقحانالارىندا ۋاقىتشا تىركەلۋگە; 2) تۇراقتى تۇرۋعا جانە جەڭىلدەتىلگەن تارتىپپەن (تىركەۋ تارتىبىمەن) قازاقستان رەسپۋبليكاسىنىڭ ازاماتتىعىنا قابىلداۋ تۋرالى ءوتىنىشحات بەرۋگە قۇقىعى بار.
2 ساۋال. ورالمان كۋالىگى بارلارعا جەڭىلدەتىلگەن الەۋمەتتىك كومەكتەر
جاۋاپ: قر زاڭناماسىنا سايكەس ورالمانداردى بەيىمدەۋ جانە بىرىكتىرۋ ورتالىقتارىنداعى تەگىن بەيىمدەۋ جانە بىرىكتىرۋ قىزمەتتەرى, ولار مىنالاردى قامتيدى:
• اقپاراتتىق جانە انىقتامالىق قىزمەتتەردى ۇسىنۋ;
• اۋدارما بويىنشا قىزمەتتەردى كورسەتۋ;
• جۇمىسقا ورنالاستىرۋدا, كاسىبي دايىندىقتا, قايتا دايارلاۋدا جانە بىلىكتىلىكتى ارتتىرۋداعى كومەك;
• قازاقستان رەسپۋبليكاسى تاريحى, مادەنيەتى جانە ءداستۇرى بويىنشا, زاڭناما نەگىزدەرىنە جانە شاعىن بيزنەستى اشۋ بويىنشا وقىتۋ كۋرستارىن وتكىزۋ;
• ءار ءتۇرلى مادەني ءىس-شارالاردى وتكىزۋ;
• قۇقىقتىق كومەك كورسەتۋ (كەڭەستەر, كونسۋلتاتسيالار بەرۋ جانە ورالمانداردى قابىلداۋ, ازاماتتىق, الەۋمەتتىك جاردەماقىلاردى الۋ وڭىرلىك كۆوتاسىنا ەنگىزۋگە تىركەلۋ, ءوتىنىش بەرۋدە كومەك كورسەتۋ);
• قازاقستاندىق ازاماتتىق الۋ جانە قۇجاتتاندىرۋ ماسەلەلەرىنە جاردەمدەسۋ;
• تەگىن مەديتسينالىق كومەكتىڭ كەپىلدەندىرىلگەن كولەمىن الۋعا جاردەمدەسۋ;
• مەملەكەتتىك جانە ورىس تىلدەرىن وقىتۋ;
• مەملەكەتتىك اتاۋلى الەۋمەتتىك كومەكت الۋعا جاردەمدەسۋ;
2. قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس مەديتسينالىق كومەك;
3. تەحنيكالىق جانە كاسىپتىك, ورتا بىلىمنەن كەيىنگى جانە جوعارى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمىنا وقۋعا ءتۇسۋ كەزىندە قازاقستان رەسپۋبليكاسىنىڭ ۇكىمەتى ايقىندايتىن مولشەردە قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق تۇلعالار ءۇشىن قابىلداۋ كۆوتاسى كوزدەلەدى.
4. قازاقستان رەسپۋبليكاسىنىڭ ازاماتتارىمەن تەڭ الەۋمەتتىك قورعاۋ.
5. قازاقستان رەسپۋبليكاسى زاڭناماسىنا سايكەس جۇمىسپەن قامتۋعا جاردەمدەسۋ.
3. ساۋال ەتنيكالىق قازاقتاردىڭ قر جوو-نا ءتۇسۋ ءتارتىبى
جاۋاپ: قر كوشى-قون زاڭىنىڭ 33-بابىندا كورسەتىلگەندەي:
ءبىلىم الۋ ماقساتىندا كەلەتىن كوشىپ كەلۋشىلەردىڭ كەلۋىنە ۆيزالاردى كامەلەتكە تولماعاندار ءۇشىن اتا-اناسىنىڭ نەمەسە قامقورشىلارىنىڭ, قورعانشىلارىنىڭ كەلىسىمىمەن قابىلداۋشى ءبىلىم بەرۋ ۇيىمىنىڭ ءوتىنىشحاتى نەگىزىندە ايقىندالاتىن ءبىر جىلدان اسپايتىن مەرزىمگە وقۋ ورنىنىڭ نەمەسە ءبىلىم بەرۋ جونىندەگى ۋاكىلەتتى ورگاننىڭ قولداۋحاتى نەگىزىندە قازاقستان رەسپۋبليكاسى سىرتقى ىستەر مينيسترلىگى جانە قازاقستان رەسپۋبليكاسىنىڭ شەت ەلدەردەگى مەكەمەلەرى بەرەدى.
ءبىلىم الۋ ماقساتىندا كەلگەن كوشىپ كەلۋشىلەرگە ۋاقىتشا تۇرۋىنا ارنالعان رۇقساتتى قابىلداۋشى ءبىلىم بەرۋ ۇيىمىنىڭ قولداۋحاتى نەگىزىندە ايقىندالاتىن وقۋ مەرزىمىنە وقۋ ورنىنىڭ قولداۋحاتى نەگىزىندە ىشكى ىستەر ورگاندارى بەرەدى. ياعني ءسىزدىڭ اتا-اناڭىزدىڭ كەلىسىمىمەن, ءسىز تۇسپەكشى بولعان جوو نىڭ قولداۋحاتىن الا وتىرىپ, ءسىىم نەمەسە قر شەت ەلدەگى مەكەمەلەرى ارقىلى ۆيزا جاساتا الاسىز. ال ۋاقىتشا تۇرۋعا ارنالعان رۇقساتتى ىشىكى ىستەر ورگاندارى بەرەدى.
4 ساۋال. ورالمان كۋالىگىن تاپسىرۋ ءتارتىبى
قر كەلگەن كۇنەن باستاپ 5 كۇن ىشىندە كوشى-قون باسقارماسىنا قۇجاتتارىن تاستاپ, ءوتىنىش قالدىرادى. ەگەر بەس كۇنەن اسىپ كەتسە قر زاڭى بويىنشا ايىپپۇل تولەيدى. ال ورالمان كۋالىگىن الۋ ءۇشىن “ورالماندار مارتەبەسىن بەرۋ قاعيداسىن بەكىتۋ تۋرالى” ەڭبەك جانە حالىقتى الەۋمەتتىك قورعاۋ ءمينيسترىنىڭ 2013 جىلعى 22 شىلدەدەگى № 329-ءو-م بۇيرىعى بويىنشا
1) ءومىربايان (ەركىن نىساندا); 2) وتباسى وتاعاسىنىڭ, سونداي-اق وتباسىنىڭ ءاربىر مۇشەسىنىڭ مولشەرى 3ح4 سانتيمەتر 2 فوتوسۋرەتى; 3) قازاق نەمەسە ورىس تىلدەرىندە نوتاريات كۋالاندىرعان اۋدارماسىمەن ءوتىنىش بەرۋشى مەن ونىمەن بىرگە قونىس اۋدارعان ونىڭ وتباسى مۇشەلەرىنىڭ جەكە باسىن كۋالاندىراتىن قۇجاتتاردىڭ (شەتەلدىك پاسپورتتىڭ نە ازاماتتىعى جوق ادام كۋالىگىنىڭ, كامەلەتكە تولماعان بالالاردىڭ تۋ تۋرالى كۋالىگىنىڭ) كوشىرمەلەرى; 4) ءوتىنىش بەرۋشىنىڭ قازاقستان رەسپۋبليكاسى ەگەمەندىك العان كەزدە قازاقستان رەسپۋبليكاسىنان تىس جەردە تۇراقتى تۇرعانىن دالەلدەيتىن, سونداي-اق, قازاقستان رەسپۋبليكاسىنان تىس جەردە تۋعان ۇلتى قازاق بالالارىنا قۇجاتتاردىڭ كوشىرمەلەرى.
5. ساۋال ازاماتتىق الۋدىڭ جەڭىلدەتىلگەن ءتارتىبى
قازاقستان رەسپۋبليكاسىنىڭ ازاماتتىعىنا قابىلداۋدىڭ وڭايلاتىلعان تارتىبىنە مىنالار كىرەدى:
* رەسەي فەدەراتسياسى, قىرعىزستان رەسپۋبليكاسى, بەلارۋس رەسپۋبليكاسىنىڭ ازاماتتارى ءۇشىن.
*قازاقستاندىق ازامات نە ازاماتشامەن نەكەگە وتىرعان شەت ەلدىك ازامات نە ازاماتشالار ءۇشىن.
*تۇرۋ مەرزىمىنە قاراماستان زاڭ نەگىزىندە قر اۋماعىندا تۇراقتى تۇراتىن وارالماندار ءۇشىن.
*جاپپاي ساياسي قۋعىن-سۇرگىننىڭ اقتالعان قۇرباندارى;
تۇرۋ مەرزىمىنە قاراماستان زاڭدى نەگىزدە قر اۋماعىندا تۇراقتى تۇراتىن ولاردىڭ ەرىكىنسىز ازاماتتىعىنان ايىرعان نەمەسە ازاماتتىعىنىڭ كۇشى جويىلعانداردىڭ ۇرپاقتارى ءۇشىن.
*قازاقستاندا جوو ءبىلىم الىپ جاتقان, ەتنوستىق قازاقتار ءۇشىن.
جوعارىداعى ازاماتتار ءۇشىن قر زاڭناماسىندا وڭايلاتىلعان تالاپتار مەن زاڭدا كورسەتىلگەن مەرزىمدە ازاماتتىق الىپ شىعا الادى.
6. ساۋال ورالمان مارتەبەسىن بەرۋ تۋرالى ءوتىنىشتى تۋىستارى ارقىلى بەرۋ
ورالمان مارتەبەسىن بەرۋ جانە (نەمەسە) ورالمانداردىڭ كوشىپ كەلۋ كۆوتاسىنا ەنگىزۋ تۋرالى ءوتىنىشتى وتباسىنىڭ كامەلەتكە تولعان مۇشەلەرىنىڭ ءبىرى جەكە ءوزى ۋاكىلەتتى ورگاننىڭ اۋماقتىق ورگانىنا بەرەدى.

7. ساۋال. ورالمان كۋالىگىنىڭ ۋاقىتى ءوتىپ كەتكەن جاعدايدا
قازاقستان رەسپۋبليكاسىنىڭ ازاماتتىعىن وڭايلاتىلعان (تىركەۋ) تارتىپپەن الۋ ماقساتىندا الماتى قالاسىندا تۇراقتى تىركەۋدە تۇراتىن ەتنيكالىق قازاقتار ورالمان كۋالىگىن الىپ, ءبىر جىلدىڭ ىشىندە جەڭىلدەتىلگەن تارتىپپەن ازاماتتىققا قۇجاتتارىن وتكىزە الماعان ورالماندار, كۋالىكتىڭ قولدانىس مەرزىمى توقتاتىلعان كەزدەن باستاپ التى اي ىشىندە ۇزارتۋعا ءبىر رەت ءوتىنىش بىلدىرە الادى
ايتا كەتەتىن ءبىر جايت, ورالمان كۋالىگىن الىپ, 6 ايدان اسىپ كەتكەن ازاماتتىققا تاپسىرا الماعان قانداستارىمىز وكىنىشكە وراي وسى زاڭنىن وزگەرىسىنە ىلىنبەدى.

وسى ايداردا

1 پىكىر

پىكىر ۇستەۋ

Close