Japonııalyqtar otbasyn jalǵa bere bastady

Japonııada jalǵyz jandar erekshe qyzmetke kóp júgine bastady. Álemdi tańǵaldyrýdan jalyqpaıtyn japondyqtar baqytty otbasynyń róli úshin beıtanys adamdarǵa aqsha tóleýge daıyn, dep jazady Stan.kz aqparat agenttigi.

Biraq, bul qyzmet úshin aıtarlyqtaı shashylýǵa týra keledi. Máselen, ózińdi jaqsy kóretin otbasy múshesiniń bir adamyn jalǵa alý 200 dollar turady.

Birneshe jyl buryn áıelinen aıyrylǵan Japonııa turǵyny Kadzýsıge Nısıda úshin bul «otbasy» ádisi jalǵyz ómirinde jubanysh boldy. Onyń eki qyzy bar, biraq olar ata-anasynyń úıin ketip, árqaısysy jeke ómir súrýde. Ákelerine de sırek keledi. Sondyqtan, Kadzýsıge Nısıda qyzyqty, baqytty kezdi taǵy bir ret bastan ótkerý úshin otbasyn jaldaýǵa daıyn.

Kompanııa ókilderi mundaı otbasyn jaldaý qyzmeti Japonııada keńinen tanylyp keledi deıdi. Klıentterden maza joq. Aıyna 250-ge jýyq ótinish kelip túsedi eken. Mundaı qyzmetterdi usynatyn kompanııa basshysy Iýıtı Isııdiń aıtýynsha, sheteldikter úshin bul qyzmet edáýir oǵash kórinýi múmkin, biraq japondyqtar úshin ózderiniń mártebesine saı bolý jáne basqalardyń pikirin tyńdaý óte mańyzdy. Al, qyzmettiń bul túri jalǵyzbasty jandarǵa ózderin qoǵamnyń tolyq múshesi retinde sezinýge kómektesedi.

Tolyq silteme: http://stan.kz/otbasini-zhalga-alu-zhalgiz-zhandarga-arnalgan-zhana-kizmet-tanimal-bolip-keledi-317017/