A. BALAEVA: BÚGINGI JÝRNALISTIKANYŃ MÁRTEBESI QOǴAM ALDYNDAǴY MAŃYZY MEN RО́LINE SAI KELMEIDI

Jýrnalıstıka – jaýapkershiligi joǵary mamandyq. «Jýrnalıstik etıka» taqyrybynda ótken dóńgelek ústel barsynda Mádenıet jáne aqparat mınıstri Aıda Balaeva osylaı dedi. Aqparat aǵynynda eńbek etip júrgen tilshiler qaýymynyń táýekeli kóp. Eńserer qıyndyǵy da bar. Jıynda sala maıtalmandary medıa keńistiktegi etıkaǵa qatysty oılaryn ortaǵa saldy. ıfrlyq medıa damyǵan saıyn qazirgi jýrnalıstıka da kóshten qalmaýǵa tyrysyp baǵýda. Alaıda qazir kópshilik kásibı jýrnalıster men blogerlerdi ajyratýdan qaldy. Kásibılik joq jerde etıkanyń bolýy da eki talaı. Tipti naqty tekserilgen, ne shyndyqqa janaspaıtyn aqparattyń ara-jigin ajyratpaıtyndar bar. Bul tusta sala mınıstri Aıda Balaeva búgingi qoǵamda faktchekıng uǵymdaryn túsindirý mańyzdy ekenin aıtty. Sondaı-aq, ár redakııada Feık aqparattarmen jumys júrgizetin arnaıy monıtorıngtik toptar qurý qajettigi aıtyldy. Aıda Balaeva QR Mádenıet jáne aqparat mınıstri: – Sońǵy jyldary adamzat basyna túsken synaqtar aqparattyń mańyzdy ekenin anyq kórsetti. Jýrnalıst qashan da joǵarǵy erýdıııa, naqtylyq jáne obektıvtiligimen qarapaıym jeli qoldanýshylary men blogerlerden ereksheligi bar ekenin únemi aıtyp kelemiz. Osy qasıetter jýrnalıstıkany bıikke shyǵarady. Biz salalyq mınıstrlik retinde depýtattar men BAQ ókilderimen belsendi ári jemisti yntymaqtastyq ornatyp kelemiz. Jýrnalıstıka kez kelgen basqa sala sııaqty túrli táýekelder men san alýan qıyndyqtarǵa toly mamandyq. Dóńgelek ústelde bas qosqan BAQ ókilderi men saqa sarapshylar medıa keńistiktegi etıkaǵa qatysty oılaryn ortaǵa saldy. Máselen, Quqyq qorǵaýshy, Aıman Omarova zorlyq-zombylyq faktilerin jarııalaý kezinde shekteýler engizýdi usyndy. Sebebi, jeke adamnyń ar-namysyn, qadir-qasıetin qurmetteý qajet. Aıman Omarova, QR Prezıdenti janyndaǵy ulttyq komıssııanyń múshesi: – Jýrnalıster zorlyq-zombylyqqa qatysty aqparatty jarııalaǵan kezde óte abaı bolýy kerek. Munda asqan jaýapkershilik qajet. Sebebi, adam quqyǵyna nuqsan kelýi múmkin. Mysaly, basylymdarda jábirlenýshiniń basynan ótken zorlyq-zombylyq oqıǵasy, keıbir egjeı-tegjeıleri anyq beriledi. Iaǵnı jýrnalıstıkanyń negizgi prınıpteri, oqıǵany jarııalaý ádisi qate bolǵannan keıin, zorlyq-zombylyq qurbandary qaıta jábirlenedi, demek jarııalanym saldaryn tipti boljaý múmkin emes. Aıda Balaeva jýrnalıstiń etıka máselesin sheshýge qatysty birqatar naqty sharalar usyndy. Medıa keńistiktiń kókjıegin keńeıtý tetikteri de pysyqtaldy. «Máselen, qazir ýaqyt talabyna saı salalyq jýrnalıstıkany damytýǵa erekshe kóńil bólgen jón», – dedi vedomstvo basshysy. Avtorlary: Aınur Qýatqyzy, Yrystanbek Ospanov