اباي وبلىسىندا «تازا قازاقستان» اكتسياسىن شەتەلدىك ستۋدەنتتەر قولدادى

اباي وبلىسىندا «تازا قازاقستان» ەكولوگيالىق اكتسياسىن شەتەلدىك ستۋدەنتتەر دە قولدادى.

مەديتسينالىق ۋنيۆەرسيتەتتىڭ ءبىلىم الۋشىلارى «بەيبىتشىلىك» ارالىنىڭ اۋماعىن كۇل-قوقىستان تازارتىپ شىقتى. سەنبىلىككە بەلسەنە قاتىسىپ قويماي, ۇلتتىق سپورت تۇرلەرىن دە پاش ەتتى. ۇندىستاندىق ستۋدەنت ماحەندرا كۋماردىڭ ءتورت جىلدان بەرى سەمەيدە تۇرادى.

وسى ۋاقىت ىشىندە قازاقستانعا ابدەن ۇيرەنىپ قالدىم دەيدى. سوندىقتان دا, سەنبىلىك سەكىلدى ماڭىزدى شارالارعا قاتىسۋدى ءوزىنىڭ بورىشى سانايدى.

ال تازالىق اكتسياسىنا ماحەندرامەن بىرگە 70 شەتەلدىك ستۋدەنت ۇلەس قوستى. ماحەندرا كۋمار, ستۋدەنت: — بۇل جەر وتە ادەمى. شەتەلدىك ستۋدەنتتەر مۇندا ءجيى كەلەدى, ويىن وينايدى. سوندىقتان قازاقستان حالقىمەن بىرگە ەكەنىمىزدى, ولارعا قولداۋ كورسەتەتىنىمىزدى بىلدىرگىمىز كەلەدى.  رۋپەندرا رادجپۋروحيت, ستۋدەنت: — قازاقستان اۋماعىندا تۇرىپ جاتقاندىقتان, بارلىعى سەكىلدى رەسۋرستار مەن يگىلىكتى پايدالانىپ كەلەمىز.

اتاپ ايتقاندا, جەر, سۋ جانە اۋا. سول سەبەپتى اينالامىزدى تازا ۇستاۋ مىندەتىمىز دەپ بىلەمىن. بۇگىنگى كۇنى سەمەي مەديتسينالىق ۋنيۆەرسيتەتىندە الەمنىڭ 11 ەلىنەن 1200 ستۋدەنت ءبىلىم الىپ جاتىر. باسىم بولىگى ءۇندىستان مەن پاكىستاننان. التاي ديۋسۋپوۆ, «سەمەي مەديتسينا ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ رەكتورى: — بۇگىن مىنا «تازا قازاقستان» اكتسيا بويىنشا ءبىزدىڭ شەتەلدىك ستۋدەنتتەر ءوز ۇلەسىن قوسامىز دەپ نيەتىن ءبىلدىردى. شەتەلدىك ستۋدەنتتەر ءبىزدىڭ سەمەي مەديتسينا ۋنيۆەرسيتەتىندە 25 جىلدان باستاپ وقىپ جاتىر.  ولار ۋجە مىنا ءبىزدىڭ سەمەي قالامىزدى تۋعان قالاداي كورىنەدى دا وسى تازارتۋ جۇمىستارىنا قاتىسىپ وتىر بۇگىن.

ستۋدەنتتەر «بەيبىتشىلىك» ارالىن قىس بويى جينالعان قوقىستان تازارتىپ بولعان سوڭ, كريكەت ويىنىن وتكىزدى. ويىن ءۇندىستاندا وتە تانىمال.