Abaı oblysyndaǵy 3 balanyń ólimi: Kólik júrgizýshisi 10 jyldan asa ýaqyt boıy «epılepsııa» dıagnozymen esepte turǵan

Foto: Vıdeodan skrın

Abaı oblysynda bolǵan qaıǵyly jol apatynan keıin 55 jastaǵy júrgizýshiniń 10 jyldan astam ýaqyt boıy «epılepsııa» dıagnozymen medıınalyq esepte turǵany belgili boldy, dep jazdy qandastar.kz

Qazir onyń júrgizýshi kýáligi ýaqytsha toqtatyldy. Bul týraly Stan.kz aqparat agenttigi Jetinshi arnaǵa silteme jasap habarlaıdy.

Oqıǵanyń mán-jaıy

19 tamyz kúni Besterek aýylynda Toyota kóligin tizgindegen er adam jol jıeginen nebári on metr qashyqtyqta, úıdiń qaqpasynyń aldynda oınap júrgen 6 balany qaǵyp ketken. Oqıǵa saldarynan úsh bala qaza tapty. Ekeýi oqıǵa ornynda, bireýi aýrýhanaǵa bara jatqan jolda kóz jumdy. Taǵy úsh bala aýyr jaraqat aldy.

Eki bala sanıtarlyq avıaııa arqyly Astana qalasyna jetkizildi. Alty jasar ul bala jedel shok jaǵdaıynda aýrýhanaǵa túsken. Dárigerler onyń jaǵdaıyn turaqtandyryp, bir kún buryn jansaqtaý bóliminen jalpy palataǵa aýystyrǵan. Toǵyz jasar qyzdyń jaǵdaıy óte aýyr. Alaıda dárigerler onyń jaǵdaıy sál de bolsa jaqsarǵanyn aıtty. Úshinshi jaraqat alǵan qyz bala Úrjar aýdandyq aýrýhanasynda jergilikti dárigerlerdiń baqylaýynda em alyp jatyr.

Kúdikti týraly ne belgili?

Tergeý barysynda júrgizýshiniń 2013 jyldan beri epılepsııa dıagnozymen medıınalyq esepte turǵany anyqtalǵan. Jol apatynan keıin polıııa departamentinen Úrjar aýdandyq sotyna ótinish kelip tústi. Sot sheshimimen júrgizýshiniń kólik basqarý quqyǵy ýaqytsha toqtatyldy.

Mundaı dıagnozy bola tura er adamnyń júrgizýshi kýáligin qalaı alǵany jáne ony nege qaıtaryp almaǵany  belgisiz. Bul jaǵdaı qoǵamda úlken rezonans týdyrdy.

Jol apatynan keıin kúdikti ýaqytsha ustaý ızolıatoryna qamalǵan. Saraptama onyń oqıǵa kezinde ishimdik ishpegenin rastady. Qazir oǵan qatysty qylmystyq is qozǵalyp, eki aıǵa qamaýǵa alý túrindegi bultartpaý sharasy qoldanyldy. Isti Ishki ister mınıstrligi baqylaýyna aldy.

Eske salsaq, buǵan deıin Abaı oblysynda kólik bir top balany qaǵyp ketip, úsh búldirshin mert bolyp, taǵy úsh bala jaraqat alǵan edi. Jol apatynda jaralanǵan eki bala sanıtarlyq avıaııa arqyly Astanaǵa ákelinip, qaladaǵy №2 kópbeıindi balalar aýrýhanasyna jatqyzyldy. Densaýlyq saqtaý mınıstri aýrýhanaǵa baryp, balalardyń jaǵdaıymen tanysty.