جاڭالىقتار
ادامعا جامان وي تاستايتىن ءان ايتۋعا شاريعاتىمىز تىيىم سالعان» — قمدب
قازاقستان مۇسىلماندارى ءدىني باسقارماسى وكىلدەرىنىڭ ايتۋىنشا, ادامدى ازعىندىققا, ادەپسىز ىسكە ۇندەيتىن اندەردى تىڭداۋ شاريعاتقا قايشى.
“ادام بالاسىنىڭ ءناپسىسىن قوزعايتىن, ونىڭ دەنە مۇشەلەرىن قيمىلداتقىزاتىن جانە اللاح تاعالانىڭ زىكىرىنەن توساتىن, ەشقانداي ءمان-ماعىناسى جوق, ءومىردىڭ راحاتىنا, ماحابباتقا, عاشىقتىققا, زيناعا يتەرمەلەيتىن كەز كەلگەن مۋزىكا تۇبەگەيلى حارام”, – دەدى نايب يمام نۇرسۇلتان قاسىموۆ.
سونداي-اق ول اتا-انا, وتان, مەملەكەت تاقىرىبىنداعى, جالپى پاتريوتتىق سەزىمدى وياتاتىن اندەر نە حارامعا, نە حالالعا جاتپايدى دەيدى. ونىڭ ورنىنا باراباندى داڭعىرلاتا وتىرىپ, ورىندالاتىن ناشيدتەر, ياعني ءدىني ولەڭدەر, داستاندار جانە اللاعا قۇلشىلىق ەتۋدى ناسيحاتتايتىن اۋەندەردى تىڭداۋ حالال دەپ ايتتى.
