Adamǵa jaman oı tastaıtyn án aıtýǵa sharıǵatymyz tyıym salǵan» — QMDB

Qazaqstan musylmandary dinı basqarmasy ókilderiniń aıtýynsha, adamdy azǵyndyqqa, ádepsiz iske úndeıtin ánderdi tyńdaý sharıǵatqa qaıshy.

“Adam balasynyń nápsisin qozǵaıtyn, onyń dene múshelerin qımyldatqyzatyn jáne Allah Taǵalanyń zikirinen tosatyn, eshqandaı mán-maǵynasy joq, ómirdiń rahatyna, mahabbatqa, ǵashyqtyqqa, zınaǵa ıtermeleıtin kez kelgen mýzyka túbegeıli haram”, – dedi naıb ımam Nursultan Qasymov.

Sondaı-aq ol ata-ana, otan, memleket taqyrybyndaǵy, jalpy patrıottyq sezimdi oıatatyn ánder ne haramǵa, ne halalǵa jatpaıdy deıdi. Onyń ornyna barabandy dańǵyrlata otyryp, oryndalatyn náshıdter, ıaǵnı dinı óleńder, dastandar jáne Allaǵa qulshylyq etýdi nasıhattaıtyn áýenderdi tyńdaý halal dep aıtty.