«ادامنىڭ سۋرەتتەرىن رۇقساتىنسىز ەل الدىنا شىعارۋ – قىلمىس!»: ايگۇل ورىنبەك جاستارعا ەسكەرتۋ جاسادى

بەلگىلى زاڭگەر ايگۇل ورىنبەك بىرەۋ تۋرالى اقپارات تاراتۋ ارقىلى اقشا تابۋدىڭ جەڭىل جولىن كاسىپكە اينالدىرعان جاستارعا ەسكەرتۋ جاسادى, دەپ حابارلايدى qandastar.kz KYN.KZ تىلشىسىنە سىلتەمە جاساپ.

زاڭگەر ادامنىڭ جەكە ءومىرىن, سۋرەتتەرى مەن ۆيدەولارىن رۇقساتىنسىز شىعارۋ, تالقىلاۋ قىلمىس ەكەنىن اتاپ كورسەتتى.

«بۇل ماقتانۋ ەمەس, ءوسىپ كەلە جاتقان جاستارعا ەسكەرتۋ ماقساتىندا!
ادامنىڭ جەكە ءومىرىن, سۋرەتتەرىن, ۆيدەولارىن ءوز رۇقساتىنسىز ەل الدىنا شىعارىپ تالقىلاۋ -قىلمىس!
اقشا تابۋدىڭ جەڭىل جولىن كاسىپكە اينالدىرىپ العان جاستارعا ساباق بولسىن! شىمكەنت قالاسى ۇيىمداسقان قىلمىسقا قارسى توبىنىڭ قىزمەتكەرلەرىنە العىسىمىزدى بىلدىرەمىز», – دەدى ول.

اكتەر تاسقان قانات الەۋمەتتىك جەلىدە وزىنە قاتىستى جالعان اقپارات تاراتقاندارعا زاڭ الدىندا ءتيىستى شارالار قولدانۋدا ەكەنىن ايتىپ, زاڭگەر ايگۇل ورىنبەككە العىسىن ءبىلدىردى.

«قىمباتتى ءىنى-قارىنداستار بىرەۋدىڭ ومىرىندەگى, جالپى تانىمال ادام نە قاراپايىم بولسىن انىق-قانىعىن بىلمەي, الەۋمەتتىك جەلىگە جاريالاماۋلارىڭىزدى سۇرايمىن. ونداي قاتەلىك جاساماڭىزدار. اركىم ءوز بەتىنشە ءومىر ءسۇرسىن», – دەدى قانات.