«Ádildik jáne О́rkendeý» Qoǵamdyq qorynyń azamattyq qoǵamǵa, bıznes ókilderi men beı-jaı qaraı almaıtyn barlyq qazaqstandyqqa arnalǵan úndeýi

Bizdiń el buryn-sońdy bolmaǵan sý tasqynymen kúresip jatyr. Mundaı aýqymdaǵy tabıǵı apat sońǵy ret 80 jyl buryn tirkelgen bolatyn. Dál qazir Qazaqstannyń 8 óńiri sý tasqyny aımaǵynda qalyp otyr. Birneshe qala men aýdan túgeldeı sýdyń astynda qaldy. Eldi mekenderdiń kólik qatynasy úzildi. Adamdar baspanasy men mal-múlkinen aıyryldy. Respýblıka boıynsha 100 myńnan astam adam úısiz qaldy. Olardyń 36,5 myńy — bala.

Biz zardap shekken qazaqstandyqtardyń jaǵdaıyna ortaqtasa otyryp, memlekettiń sý tasqynynyń saldaryn joıýǵa baǵyttaǵan sharalaryn qoldaımyz. Alaıda, azamattyq qoǵamnyń qatysýynsyz bul qıyndyqtardy eńserý múmkin emes. Jumyla otyryp sý shaıǵan aýyldardy qalpyna keltirsek, baspanasyz qalǵan júzdegen otbasynyń qalypty ómirge oralýyna kómektese alamyz.

Qazirgi tańda el boıynsha Qordyń 1 jarym myńnan astam jaqtasy óńirlerdegi eriktiler, qutqarýshylar jáne áskerılermen birlesip, bógetter men bekinister salýǵa, gýmanıtarlyq kómekti jınaý jáne taratýǵa atsalysyp jatyr. El basyna kún týǵan mundaı aýyr shaqta, biz birigýge úndeımiz.

Qazirdiń ózinde Qor bul jumysqa bilek sybana kirisip, naqty sharalardy júzege asyryp jatyr. Sonyń biri – «Kómek kerýeni» akııasy. Qor qyzmetkerleri zardap shekken óńirlermen baılanys ornatyp, olardyń qajettilikterine oraı jedel áreket etip jatyr. Biz sý basqan aýdan turǵyndaryn surastyryp, qajetti gýmanıtarlyq kómektiń tizimin anyqtadyq. Oǵan azyq-túlik, turmystyq zattar, sondaı-aq mektep oqýshylaryna arnalǵan keńse quraldary kiredi. Aldaǵy kúnderi Astanadan júk kólikteri men avtobýstardan turatyn avtokerýen jolǵa shyǵady.

«Kómek kerýeni» 5 óńirge barady. Tasqyn sýdan asa qatty zardap shekken Qostanaı jáne Aqtóbe oblystarynyń aýdandaryna, Arqalyq pen Aqtóbe mańyndaǵy aýyldar men Batys Qazaqstan, Qaraǵandy oblystarynyń eldi mekenderine deıin jetip, gýmanıtarlyq kómekti úlestiredi. Bizdiń qor qyzmetkerleri myna jaǵdaıǵa beı-jaı qaramaıtyn barlyq qazaqstandyqtardy bul akııamyzdy qoldaýǵa jáne qıyn jaǵdaıǵa tap bolǵan adamdarǵa qol ushyn sozýǵa shaqyramyz!

Ekinshiden, Qor tasqyn saldaryn joıýǵa qazirden bastap kirisý qajet dep esepteıdi. Úlken sý ketkende, bizdi úlken jumys kútip tur. Osyǵan oraı, bizdiń Qor eriktiler jasaǵyn quratynyn habarlaıdy. Eriktiler jasaǵy sý qaıtqan aýmaqtardy tazartyp, dezınfekııalaýǵa, sondaı-aq zardap shekken aımaq turǵyndarynyń tezirek úılerine oralýy úshin buzylǵan nysandardy qalpyna keltirýge kómektesedi. Qordyń jaqtastary sý basqan aýmaqtardy qalpyna keltirý úshin eriktiler jasaqtaryna qosyla bastady. Búginde Qyzylorda, Shymkent jáne Túrkistan eriktileriniń alǵashqy legi jolǵa attanýǵa daıyndalyp jatyr.

Eriktilerdiń apat bolǵan aımaqtardaǵy úzdiksiz jumysy úshin olardy bir óńirden ekinshi óńirge jetkizip, jumys quraldarymen, arnaıy kıimmen jáne ystyq tamaqpen qamtamasyz etý qajet. Taǵy bir mańyzdy másele – eriktiler turatyn shatyrlardy ázirleý kerek. Qordyń bastamasymen eldegi erikti qurylys jasaqtaryna kerek-jaraq satyp alynyp jatyr. Akııany jedel ótkizý úshin bizge qazaqstandyqtardyń kómegi qajet.

Sondyqtan biz, qory qyzmetkerleri bıznes ókilderine júginip, otandyq kásipkerlerdi zardap shekken óńirlerdiń qalpyna keltirýge úles qosýǵa shaqyramyz! Sizder qol ushyn sozbasańyzdar, bul mindetti atqarý qıynǵa soǵady…

Qor óz qamqorlyǵynyń úshinshi qadamdy retinde, tabıǵı apattan zardap shekken kishkentaı qazaqstandyqtardyń densaýlyǵyn ońaltýdy usynady. Sý basý aýmaǵynda qalǵan balalardyń jazǵy demalysyn uıymdastyryp, olarǵa psıhologııalyq kómek kórsetý kerek. Bıznes ókilderi bul ıgi isten shet qalmaıdy dep senemiz. Sebebi, Qazaqstannyń bolashaǵy – deni saý urpaqtyń qolynda.

Qazaq halqynda «Asar» degen ádemi ádet-ǵuryp bar. Sol arqyly úlkender qıyn shaqta eshkimdi jalǵyz qaldyrmaýdy, muqtaj janǵa qol ushyn sozýdy úıretti. Biz ózimizdiń ıgi isterimiz arqyly qıyndyqqa tap bolǵan qazaqstandyqtarǵa olardyń jalǵyz emes ekenin kórsetemiz! Endeshe, el taǵdyryna nemquraıly qaramaıtyn barlyq qazaqstandyqtarǵa aıtarymyz: kelińiz, eldiń qamy úshin birigeıik. Biz birige otyryp, bul qıyndyqty da eńserip shyǵamyz!