«Ádildik jáne órkendeý» qorytyndy shyǵardy: Qazaqstandyqtardyń jol sapasyna kóńili tola ma?

Foto: ashyq derekkóz

Statıskany saralasaq, bıyl elimizde 12 myń shaqyrym trassa men 2,5 myń shaqyrym oblysaralyq jáne aýdanaralyq avtokólik joly tóselip, jóndeýden ótken. Alaıda «Ádildik jáne órkendeý» Qoǵamdyq qory júrgizgen monıtorıng kóńil kónshitpeıdi, dep jazady qandastar.kz

Turǵyndardyń 40 proenti ǵana bıyl óz eldi mekenindegi joldyń jaqsarǵanyn aıtady. Saýalnamaǵa qatysqandardyń tórtten birinen astamy jaǵdaı ózgermegenin jetkizgen. Al 30%-i kerisinshe tipti jol jaıy nasharlaǵanyn alǵa tartyp otyr.

Zertteý kórsetkendeı, azamattardyń 68,5% eldegi jol qurylysynyń qarqynyna kóńili tolmaıdy. Al 70%-ten astamy jóndeý jumystarynyń sapasyna narazy. О́z pikirin bildirgen turǵyndardyń jartysy byltyr ǵana jóndelgen joldar jaramsyz bolyp qalǵanyn da jasyrmaıdy. Basty túıtkilder –  sapaly magıstraldar az (58%), turǵyn aýdandardaǵy joldyń jaı-kúıi nashar (46%), magıstraldarda jaryq joq, joldarda shuńqyr kóp (39%); sýaǵarlar joq, aýdandardaǵy joldar jaryqtandyrylmaıdy (34% jáne 31%), qar durys tazalanbaıdy ári kóktaıǵaqqa qarsy sharalar jasalmaıdy (29%).

Baıqap qarasaq, qala turǵyndaryna qaraǵanda aýyl turǵyndarynyń shaǵymy  shash etekten. Áleýmettik monıtorıng qatysýshylarynyń 60% astamy sapasyz jol kesirinen ózi nemese jaqyndary apatqa túskenin aıtqan.

«Halyqtyń jol sapasyna kóńili tolmaýynyń basty sebebi – jemqorlyq pen urlyq (38,83%). Ekinshi orynda  – jergilikti bılik organdarynyń jumysy olqy (17,31%), al úshinshi orynda – Úkimet tarapynan baqylaýdyń bolmaýy (12,2%). Jol qyzmetteriniń nashar jumysy tizimdi túıindep tur  (11,53%).

Áleýmettik monıtorıng aıasynda qatysýshylar eldegi joldardyń jaǵdaıyn  jaqsartýǵa qatysty óz pikirimen de bólisti. 60%-i jóndeý jumystarynyń sapasyn arttyrý kerektigin aıtsa, joldardy keńeıtý jáne jolaqtardy arttyrý degen nusqany qatysýshylardyń 34%-i tańdaǵan. Jóndeý qarqynyn jyldamdatý jáne qurylys kezinde zamanaýı tehnologııalardy qoldaný sharalaryn 33% jáne 31% y  atap ótken» delingen qordyń aqparatynda.

Áleýmettik monıtorıngte turǵyndardyń talap-tilegi men usynystary bar. Onyń ishinde jol sapasyna baqylaýdy kúsheıtý, bólingen qarajattyń maqsatty jumsalýyn qadaǵalaý,  zamanaýı tehnologııalardy qoldaný bar.

Taǵy bir eskerer tus, saýalnamaǵa qatysýshylar jol sapasyna qatysty aqparat jınaqtalatyn arna – «QazAvtoJoldyń» tegin baılanys ortalyǵyn bilmeıtin bolyp shyqty.

«Biz qoǵam tarapynan jumys barysyna, merdigerlerge, jol qurylysy men jóndeý sapasyna qoǵamdyq baqylaý ornatýǵa degen suranystyń joǵary ekenin kórip otyrmyz. Qazaqstandyqtar bul máseleni sheshý úshin memleketpen, bıznespen áriptestikke ázir. Qorda qoǵamdyq baqylaýdyń is júzinde tekserilgen tájirıbesi bar jáne biz avtokólik joldarynyń jaǵdaıyn jaqsartý úshin kúsh biriktirýge daıynbyz. Qor belsendileri jaǵdaıdy ózgertý úshin ashyq baqylaý, zamanaýı tehnologııalardy engizý jáne jol jumystary kezinde azamattardyń monıtorıngke belsendi qatysýy kerek ekenine senimdi», – dedi «Ádildik jáne órkendeý» qoǵamdyq qorynyń dırektory Dana Rysmuhamedova.

Aıta keteıik atalǵan qor monıtorıngke 5-25 qarasha aralyǵynda mańyz berdi. Oǵan 5681 turǵyn qatysty.