الەم جاڭالىقتارىجاڭالىقتار
ادۆوكات ەربايان مۇحتاردىڭ قازىرگى جاعدايىمەن ءبولىستى
فوتو: inbusiness.kz
ادۆوكات ينگا يمانباي اسكەردە جارالانعان سارباز ەربايان مۇحتاردىڭ دەنساۋلىعى جونىندە اقپارات بەردى, دەپ حابارلايدى qandastar.kz
الەۋمەتتىك جەلىدەگى جازباسىندا ينگا يمانباي ەرباياندى كورىپ قايتقانىن جازدى. ادۆوكات ەرباياننىڭ الداعى ەمىنىڭ جالعاسىپ, قىلمىستىق ءىسىنىڭ تەرگەۋ بارىسىن اتا-اناسىمەن تالقىلاعان.
«شۇكىر, جاعدايى بىرقالىپتى. سوڭعى رەت ونى ىستامبۇلعا ۇشار الدىندا كورگەن ەدىم. قازىر الدەقايدا جاقسى: سالماق قوسىپ, بەتى تولىسىپ قالعان. ءبىر ايدان كەيىن ەمنىڭ ەكىنشى كەزەڭى – رەابيليتاتسيا باستالادى. ەربايانعا دا, اتا-اناسىنا دا سىزدەردىڭ ىستىق ىقىلاستارىڭىز بەن قولداۋلارىڭىزدى جەتكىزدىم. ولار بارشا حالىققا العىسىن جاۋدىرىپ جاتىر. ءبىز بىرگە قولداۋ كورسەتىپ, ەرباياننىڭ اياعىنا نىق تۇرۋىنا كومەكتەسەمىز! ال قىلمىستىق ءىس بويىنشا – ەرباياندى وسى كۇيگە تۇسىرگەندەر ءتيىستى جازاسىن العانشا كۇرەستى توقتاتپايمىز. ادىلەتتىك ءۇشىن بىرگەمىز!», – دەپ جازدى ينگا يمانباي.
