«اعاسى پاريجدەن ارقالاپ كەلگەن جۇلدەنى تاڭدادى»: دەمەۋ جادىراەۆ تانىمال بالۋاننىڭ ۇلىنىڭ تۇساۋىن كەستى (ۆيدەو)

ۆيدەودان كادر: instagram.com/qundyzayim

جەلىدە پاريج وليمپياداسىنىڭ كۇمىس جۇلدەگەرى دەمەۋ جادىراەۆتىڭ قازاقستاننىڭ تانىمال گرەك-ريم كۇرەسى شەبەرى قورلان جاقانشانىڭ ۇلىنىڭ تۇساۋىن كەسكەن ءساتىنىڭ ۆيدەوسى تارادى. بۇل تۋرالى KAZ.NUR.KZ حابارلايدى.

وليمپيادا جۇلدەگەرىنىڭ تۇساۋ كەسكەن ءساتىنىڭ ۆيدەوسى بالاقايدىڭ اناسى قۇندىز تولەباەۆانىڭ Instagram-داعى جەكە پاراقشاسىندا جاريالاندى.

«سالقام جاڭگىر-حاننىڭ تۇساۋىن وليمپيادا جۇلدەگەرى, الەم چەمپيونى دەمەۋ اعاسى كەستى. اعاسى سوناۋ پاريجدەن ارقالاپ كەلگەن جۇلدەسىن تاڭدادى ءبىزدىڭ بالاپان. اللا قالاسا الەمدى اۋزىنا قاراتقان, ءدۇبىرلى دودادا ەشكىمگە دەس بەرمەس نار تۇلعالى ازامات بولعايسىڭ, ق ۇلىنىم. اكەڭ چەمپيون, تۇساۋىڭدى چەمپيون كەستى. جەتەكتەگەن باتىر اعاسى دامير كۇزەمباەۆ», – دەپ جازدى بوبەكتىڭ اناسى. «جولى ارقاشان اشىق بولسىن!», «بولاشاق چەمپيون», «ەلدىڭ ازاماتى بولسىن!», – دەپ جازدى جەلى قولدانۋشىلارى.

ەسكە سالساق, دەمەۋ جادىراەۆ بيىل وتكەن پاريج وليمپياداسىنىڭ كۇمىس جۇلدەگەرى اتاندى. ول 7 تامىزدا گرەك-ريم كۇرەسىنەن 77 كگ سالماق دارەجەسىندە وتكەن فينالدىق باسەكەدە جاپون بالۋانى ناو كۋساكامەن كۇرەستى. وليمپيادا التىنىنا تالاستا جادىراەۆ قارسىلاسىنا 5:2 ەسەبىمەن جول بەرىپ, كۇمىس مەدال ەنشىلەدى.