Aıbek Oralbaı ataqty eki dúrkin Olımpıada chempıonyn jeńdi

Bokstan Qazaqstan erler quramasynyń kapıtany Aıbek Oralbaı Ulybrıtanııanyń Lıverpýl qalasynda ótip jatqan álem birinshiliginiń fınalyna ótti, dep habarlaıdy Qandastar.kz

Qazaqstandyq boksshy 90 keliden joǵary salmaqta eki dúrkin Olımpıada chempıony Hýlıo Sezar La Krýspen (Kýba) ózara myqtyny anyqtady. Aıbek Oralbaı alǵashqy raýndtan-aq tizgindi qolyna aldy. Ekinshi jáne úshinshi kezeńde basymdyǵyn saqtap qalǵan jerlesimiz jeńiske jetti. Osylaısha, Aıbek Oralbaı (90 keliden joǵary) álem chempıonatynyń altyn júldesi úshin baq synaıdy.

Eske sala keteıik, buǵan deıin áıelder arasynda Aıda Ábikeeva álem birinshiliginiń fınalyna joldama alǵan bolatyn. Otandasymyz 65 kelige deıingi salmaqtyń jartylaı fınalynda Merrı Ýolshpen (Irlandııa) kezdesti. Alǵashqy raýnd ırlandııalyq boksshynyń paıdasyna aıaqtaldy. Degenmen jerlesimiz ekinshi jáne úshinshi úsh mınýttyqta tizgindi qolyna alyp, jeńiske jetti.

Al Sanjar Táshkenbaı  50 kelige deıingi salmaqtyń 1/4 fınalynda Sıngh Mandegbammen (Úndistan) ózara myqtyny anyqtady. Jerlesimiz jekpe-jektiń sońyna deıin basymdyǵyn saqtap, esh qıyndyqsyz jeńiske jetti. Osylaısha, Sanjar Táshkenbaı kelesi kezeńde álem chempıonatynyń fınalyna shyǵý úshin baq synaıdy.