جاڭالىقتار
ايبەك سىدىقوۆ مادەنيەت جانە اقپارات ۆيتسە-ءمينيسترى بولدى
بۇل تۋرالى ۇكىمەتتىڭ ءباسپاسوز قىزمەتى حابارلادى.
«قازاقستان رەسپۋبليكاسى ۇكىمەتىنىڭ قاۋلىسىمەن ايبەك جەكسەنالى ۇلى سىدىقوۆ مادەنيەت جانە اقپارات ۆيتسە-ءمينيسترى قىزمەتىنە تاعايىندالدى», – دەلىنگەن حابارلامادا.
ايبەك سىدىقوۆ 1983 جىلى الماتىدا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.
ەڭبەك جولىن 2006 جىلى «الماتى قالاسى تاريحى مۋزەيى» كمقك-دا ەكسكۋرسيا جۇرگىزۋشىسى بولىپ باستاعان.
2007-2015 جىلدارى «الماتى قالاسى تاريحى مۋزەيى» كمقك عىلىمي قىزمەتكەرى, ديرەكتوردىڭ ورىنباسارى, ديرەكتورى;
2015-2016 جىلدارى «الماتى قالاسى مۋزەيلەرىنىڭ بىرلەستىگى» كمقك ديرەكتورى;
2016-2022 جىلدارى «مادەنيەتتەردى جاقىنداستىرۋ ورتالىعى مەملەكەتتىك مۋزەيى» رمقك مۇراجاي ءبولىمىنىڭ باسشىسى, ديرەكتوردىڭ ورىنباسارى قىزمەتتەرىن اتقاردى.
2022 جىلدان باستاپ قازىرگى ۋاقىتقا دەيىن قر مادەنيەت جانە اقپارات مينيسترلىگى مادەنيەت كوميتەتىنىڭ «قازاقستان رەسپۋبليكاسىنىڭ ۇلتتىق مۋزەيى» رمقك ديرەكتورىنىڭ ورىنباسارى بولدى.
