جاڭالىقتار
ايەل ادام كۇيەۋىمەن رەنجىسكەننەن كەيىن ورمانعا كەتىپ, اداسىپ كەتتى
فوتو: freepik.com
قوستاناي وبلىسىندا ايەل ادام كۇيەۋىمەن رەنجىسىپ قالعاننان كەيىن ورمانعا كەتىپ, اداسىپ كەتتى. ونى ىزدەۋگە قۇتقارۋشىلار, پوليتسەيلەر مەن ەرىكتىلەر قاتىستى, دەپ حابارلايدى Azattyq Rýhy.
وقيعانىڭ ەگجەي-تەگجەيىن وڭىرلىك تجد ءباسپاسوز قىزمەتى مالىمدەدى.
«بۇگىن تۇندە اۋليەكول اۋدانى باعانالى اۋىلىنىڭ ماڭىندا قۇتقارۋشىلار جوعالعان ايەلدى ىزدەۋگە كىرىستى. كۇيەۋىمەن بولعان جانجالدان كەيىن 1981 جىلعى ايەل ادام ورمانعا كەتىپ, اداسىپ كەتتى», – دەلىنگەن حابارلامادا.
جوعالعان ادامدى تجد, پوليتسيا قىزمەتكەرلەرى, سونداي-اق ەرىكتىلەر ىزدەدى. قۇتقارۋشىلار ىزدەۋ يتتەرىن تارتتى, ۇشقىشسىز ۇشۋ اپپاراتتارى مەن تىكۇشاقتى پايدالاندى.
«ايەلدى اۋليەكول اۋىلىنىڭ №15 ءورت ءسوندىرۋ ءبولىمىنىڭ ءورت ءسوندىرۋشى-قۇتقارۋشىلارى دانيار ايگەلوۆ پەن نازاربەك براحمەت تاپتى», – دەپ اتاپ ءوتتى ۆەدومستۆو.
قۇتقارىلعان ادامعا مەديتسينالىق كومەك قاجەت ەمەس ەكەندىگى اتاپ ءوتىلدى.
