Áıeli men balasyn urǵandar 8 jylǵa sottalýy múmkin

Bul baptar tek áıel nemese bala quqyǵyn qorǵaýmen qatar, barlyq quqyǵy buzylǵan, densaýlyqtaryna qasaqana jeńil zııan keltirilgen, jáne uryp-soǵýǵa tap bolǵan barlyq azamattardyń quqyǵyn qorǵaýǵa baǵyttalady.

Depýtat Juldyz Súleımenova «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zańdy birinshi oqylymda tanystyrdy.

Zańda qandaı jaza qarastyrylyp otyrǵany aıtyldy.

Dene jaraqatyn keltirgen, biraq densaýlyǵyna jeńil zııan keltirýge ákep soqpaǵan uryp-soǵý nemese ózge de kúsh qoldaný áreketterin jasaý – 80 AEK-ke deıingi mólsherde aıyppul salýǵa ne sol mólsherde túzeý jumystaryna ne 80 saǵatqa deıingi merzimge qoǵamdyq jumystarǵa tartýǵa ne 25 táýlikke deıingi merzimge qamaýǵa alýǵa jazalanady, — dedi depýtat.

Osy áreketter qaıtalansa, mysaly:

1) eki nemese odan da kóp adamǵa jasalsa;

2) osy adamnyń qyzmettik nemese kásiptik nemese qoǵamdyq boryshty oryndaýyna baılanysty adamǵa nemese onyń jaqyndaryna;

3) kinálige kórineý, dármensiz kúıdegi ne kinálige materıaldyq nemese ózge de táýeldiliktegi adamǵa;

4) adamdar tobymen aldyn ala sóz baılasý arqyly;

5) buzaqylyq nıetpen;

6) áleýmettik, ulttyq, násildik, dinı óshpendilik nemese arazdyq negizinde;

7) birneshe ret;

8) kórineý kámeletke tolmaǵan adamǵa qatysty – 1 júzden 2 júz AEK-ke deıingi mólsherde aıyppul salýǵa ne sol mólsherde túzeý jumystaryna ne 1 júzden 2 júz saǵatqa deıingi merzimge qoǵamdyq jumystarǵa tartýǵa ne 30-dan 50 táýlikke deıingi merzimge qamaýǵa alýǵa jazalanady.

Bul baptar tek áıel nemese bala quqyǵyn qorǵaýmen qatar, barlyq quqyǵy buzylǵan, densaýlyqtaryna qasaqana jeńil zııan keltirilgen, jáne uryp-soǵýǵa tap bolǵan barlyq azamattardyń quqyǵyn qorǵaýǵa baǵyttalady. Negizgi maqsat – quqyq buzýshylyqtar bolmaýy úshin, azamattardyń jaýapkershiligin kúsheıtý. Jańa redakııada, densaýlyqqa qasaqana aýyr zııan keltirgeni úshin 3 jyldan 8 jylǵa deıin bas bostandyǵynan aıyrý qarastyryldy, — dedi Súleımenova Májiliste.

Sonymen qatar jańa redakııada densaýlyqqa qasaqana ortasha zııan keltirgeni úshin 2 jylǵa deıin bas bostandyǵynan aıyrý qarastyryldy.